“72 mindən çox tibb işçisinin əməkhaqqı artırılıb”

“72 mindən çox tibb işçisinin əməkhaqqı artırılıb”.

“ARHD.MEDiA” xəbər verir ki, bunu Milli Məclisin Səhiyyə komitəsinin bu gün keçirilən iclasında komitə sədri Əhliman Əmiraslanov bildirib.

“Kifayət qədər yüksək əməkhaqqı alacaqlar. Bu, xüsusilə regionlardakı tibb işçilərinə aiddir. Dəfələrlə burada müzakirə etmişik ki, bölgələrdə tibb işçilərinin qıtlığı var. Mən əminəm ki, tibb işçilərinin əməkhaqqının artırılması bu problemin həllinə böyük təkan verəcək.

Bu addım nəticəsində tibb işçilərinin illik əməkhaqqı fondu 189 milyon manat artırılıb. Bu, çox böyük rəqəmdir”, - deyə komitə sədri bildirib.

TƏBİB sistemində çalışan tibb işçilərinin əməkhaqqıları artırılır

"TƏBİB sistemində çalışan tibb işçilərinin əməkhaqqıları artırılır".

“ARHD.MEDiA” "Report"a istinadən xəbər verir ki, bunu TƏBİB-in (Tibbi Ərazi Bölmələrini İdarəetmə Birliyi) icraçı direktoru Anar Bayramov mətbuat konfransında deyib.

Onun sözlərinə görə, əməkhaqqı islahatına uyğun olaraq, yeni qaydalar 2026-cı il sentyabrın 1-dən tətbiq olunacaq və TƏBİB-in tabeliyindəki tibb müəssisələrində çalışan 72 212 tibb işçisini əhatə edəcək:

"Onlardan 36 041 nəfəri orta, 20 367 nəfəri kiçik tibb heyəti, 8 675 nəfəri ambulator tibbi xidmət göstərən həkimlər, 7 129 nəfəri isə ilkin səhiyyə, təcili tibbi yardım, anesteziologiya-reanimatologiya xidmətləri, habelə regionlarda kadr çatışmazlığı müşahidə edilən dar ixtisaslar üzrə çalışan həkimlərdir.

İslahat nəticəsində TƏBİB sistemi üzrə illik əməkhaqqı fondu 189 milyon manat və ya 13.66 faiz artacaq. Əməkhaqqı artımları vəzifə, ixtisas, iş yükü, fəaliyyət göstəriciləri və regionlarda mövcud kadr təminatı nəzərə alınmaqla diferensiallaşdırılacaq".

A.Bayramov, həmçinin bildirib ki, regionlarda çalışan uşaq anestezioloq-reanimatoloqlarının aylıq əməkhaqqıları 1 450 manatdan 3 000 manata yüksələcək və bu da 107 faiz artım deməkdir:

"Neonatoloqların əməkhaqqıları 1 450 manatdan 2 400 manata çatdırılacaq (artım 950 manat və ya 66 faiz). Hemodializ həkimlərinin əməkhaqqıları isə 1 450 manatdan 2 250 manata çatdırılacaq (artım 800 manat və ya 55 faiz). Həkim çatışmazlığı olan regionlarda mama-ginekologiya, neyrocərrahiyyə, uşaq cərrahiyyəsi, ürək-damar cərrahiyyəsi, üz-çənə cərrahiyyəsi və travmatologiya ixtisasları üzrə həkimlərin aylıq əməkhaqqıları 1 450 manatdan 2 150 manata yüksələcək. Bu, əlavə 700 manat və ya 48 faiz artım deməkdir".

TƏBİB rəhbəri, eyni zamanda, qeyd edib ki, yeni islahatla 36 041 orta tibb işçisinin aylıq əməkhaqqı artımı 17 faiz, 20 367 kiçik tibb işçisinin əməkhaqqı artımı isə 18 faiz təşkil edəcək:

"Əməkhaqqı artımında baş və böyük tibb heyətinin üzərinə düşən məsuliyyət də ayrıca nəzərə alınıb. Baş tibb bacılarının orta və kiçik tibb heyətinin fəaliyyətinin təşkili, tibbi sənədləşmə və uçot, pasiyent təhlükəsizliyi, infeksiyaya nəzarət və xidmət keyfiyyətinin təmin edilməsində mühüm rolu nəzərə alınaraq, tibb müəssisəsinin kateqoriyasından asılı olaraq diferensial artımlar tətbiq ediləcək. Misal üçün, 3B kateqoriyalı tibb müəssisəsində çalışan baş tibb bacısının aylıq əməkhaqqısı 1 454 manatdan 2 125 manata yüksələcək ki, bu da 671 manat və ya 46 faiz artım deməkdir. Orta və kiçik tibb heyəti də islahatın əhatə dairəsindədir. 36 041 orta tibb işçisinin aylıq əməkhaqqı artımı 17 faiz, 20 367 kiçik tibb işçisinin əməkhaqqı artımı isə 18 faiz təşkil edəcək".

A.Bayramov vurğulayıb ki, islahatın tətbiqi ilə tibb işçilərinin sosial rifahının gücləndirilməsi, peşənin cəlbediciliyinin artırılması, həkimlərin regionlara cəlb edilməsinin stimullaşdırılması, fəaliyyət nəticələrinin daha dolğun qiymətləndirilməsi və göstərilən tibbi xidmətlər üzrə pasiyent məmnuniyyətinin yüksəldilməsi hədəflənir.

Məramı xoş, niyyəti xoş, Azərbaycanın birinci xanımı Mehriban Əliyevaya həsr olunur...

O, hər şeydən öncə həkimdir – bu sahə Mehriban xanımın həssas nöqtəsidir.

Məsləhətçi: Azərbaycan Ağsaqqallar Şurasının İdarə Heyətinin üzvü, hüquq elmləri doktoru, professor, əməkdar müəllim, birinci Qarabağ müharibəsi iştirakçısı İbrahim Quliyev.

Elə peşələr var ki, onun mahiyyətində yalnız bilik və bacarıq deyil, həm də insan taleyinə münasibət dayanır. Həkimlik belə müqəddəs peşələrdəndir. Həkim insanın ağrısını öz ağrısı kimi duymağı, ümidsizliyə ümid, çarəsizliyə çıxış yolu, xəstəliyə qarşı mübarizəyə inam gətirməyi bacarmalıdır. Məhz bu baxımdan Mehriban xanım Əliyevanın həyat yoluna nəzər salarkən əvvəlcə onun peşəcə həkim olmasına xüsusi önəm verilməlidir.

Mehriban xanımın şəxsiyyətində humanizm, mərhəmət, insan sevgisi və qayğıkeşlik kimi keyfiyyətlərin ön plana çıxmasında onun həkimlik peşəsinin mühüm rol oynadığını düşünmək mümkündür. Çünki həkimlik yalnız tibb elminin prinsiplərini bilmək deyil, insanı dinləmək, onun narahatlığını anlamaq və sağlamlığın nə qədər böyük nemət olduğunu hər gün dərk etməkdir. Bu peşə insana həyatın ən həssas məqamlarını yaxından görməyi öyrədir.

Mehriban Əliyevanın həyatında tibb sahəsinin ayrıca yer tutması təsadüfi deyil. O, Azərbaycan Dövlət Tibb İnstitutunda təhsil alıb, daha sonra Moskva şəhərində təhsilini davam etdirib. Onun gənclik illərində seçdiyi bu istiqamət sonrakı ictimai fəaliyyətinin də mənəvi çalarlarında özünü göstərib. Həkimlik təhsili alan bir insan üçün insan həyatı, sağlamlıq, ailə və sosial rifah məsələləri həmişə xüsusi həssaslıq tələb edir.

Mehriban xanımın ictimai fəaliyyətində səhiyyəyə, uşaqların sağlamlığına, tibbi müəssisələrin inkişafına, xəstələrin və ehtiyacı olan insanların qayğısına xüsusi diqqət yetirməsi də bu baxımdan diqqət çəkir. Onun təşəbbüsü və dəstəyi ilə həyata keçirilən müxtəlif sosial və humanitar layihələr cəmiyyətin həssas təbəqələrinin problemlərinin gündəmə gətirilməsinə xidmət edib.

Həkimlik insanın xarakterinə bir mühüm xüsusiyyət də qazandırır: məsuliyyət hissi. Həkim verdiyi qərarın bir insanın həyatına təsir edə biləcəyini bilir. Buna görə də bu peşə diqqət, səbir, dəqiqlik və vicdan tələb edir. Mehriban xanım Əliyevanın sonrakı fəaliyyətində müşahidə olunan sistemlilik, məsuliyyət və insan amilinə xüsusi münasibəti onun peşə hazırlığının formalaşdırdığı dünyagörüşü ilə də əlaqələndirilə bilər.

Səhiyyə məsələləri onun üçün yalnız tibbi xidmətin təşkili demək deyil. Sağlam cəmiyyətin formalaşması, insanların layiqli həyat şəraitinə malik olması, uşaqların gələcəyə sağlam addımlaması daha geniş sosial məsələdir. Bu yanaşma onun müxtəlif illərdə həyata keçirdiyi layihələrdə də öz ifadəsini tapıb.

Azərbaycan səhiyyəsinin inkişafı istiqamətində görülən işlər içərisində müasir tibbi müəssisələrin yaradılması və yenilənməsi, diaqnostika və müalicə imkanlarının genişləndirilməsi, uşaqların sağlamlığına yönəlmiş layihələrin reallaşdırılması xüsusi əhəmiyyət daşıyır. Mehriban Əliyevanın rəhbərlik etdiyi Heydər Əliyev Fondunun fəaliyyətində də səhiyyə və humanitar istiqamət mühüm yer tutur.

Burada bir məqam xüsusilə diqqətəlayiqdir: insana qayğı anlayışı onun fəaliyyətinin müxtəlif istiqamətlərini birləşdirən ümumi xətt kimi görünür. İstər səhiyyə, istər təhsil, istər mədəniyyət, istər sosial layihələr olsun, əsas məqsəd insanın həyatına müsbət təsir göstərmək, cəmiyyətin ehtiyaclarını nəzərə almaq və gələcək üçün daha sağlam mühit yaratmaqdır.

Həkimlik peşəsi ilə ictimai fəaliyyət arasında mənəvi bir körpü var. Həkim xəstəni müalicə etməyə çalışır, ictimai xadim isə cəmiyyətin problemlərinin həllinə töhfə verməyə çalışır. Birinci halda söhbət insanın sağlamlığından, ikinci halda isə insanların sosial rifahından gedir. Hər iki istiqamətin mərkəzində isə insan dayanır.

Onun leksikonunda “qayğı” və “borc” sözləri, bəlkə də, ən işlək sözlərdir. Qayğı etik kateqoriyadır. Qayğı sözündə mərhəmət, insansevərlik duyğuları birləşir. Kimsəsiz uşaqlara, ağır vəziyyətdə yaşayan insanlara, ağır xəstələrə, ailə başçısını itirmiş şəxslərə, şəhid ailələrinə, bir sözlə yardıma, qayğıya ehtiyacı olan hər bir insana sevgi və diqqət onun yaşam və davranış fəlsəfəsinin əsasını təşkil edir. “Diabetli uşaqlara ən böyük qayğı”, “Talassemiyasız həyat” proqramları, Heydər Əliyev Fondunun və Mehriban Əliyevanın xeyriyyəçilik fəaliyyətinin görünən tərəfləridir. O, həmişə özünü xalqına borclu sayır. Çünki, qəlbi vətəni ilə döyünür. Birinci xanımın niyyəti vətənə, xalqa xidmətdir. Onun məramı, niyyəti xoşdur. Təsadüfi deyil ki, Prezident İlham Əliyev Mehriban xanımın və Fondun bu yöndə çoxşaxəli fəaliyyətini bir sözlə səciyyələndirib: “Xoş niyyət”... Deyirlər, niyyətin hara, mənzilin ora...

“Xoşbəxtlik” sözü Mehriban xanımın dilində, çıxışlarında müxtəlif kontekstlərdə işlənsə də, mahiyyətində işıq var, işıqlı məram var. Mehriban Əliyeva Azərbaycan üçün bir mayakdır. Bir ümid ocağıdır.

Mehriban xanım Əliyevanın fəaliyyətinə bu prizmadan yanaşdıqda onun həkimlik təhsilinin yalnız keçmişdə qalmış peşə mərhələsi olmadığını görmək mümkündür. Bu təhsil onun dünyaya baxışında, insan taleyinə münasibətində və sosial məsələlərə yanaşmasında müəyyən izlər buraxıb.

Həkim üçün insanın sosial statusu, vəzifəsi və imkanları deyil, ilk növbədə onun sağlamlığı və həyatı önəmlidir. Humanizm də məhz burada başlayır. İnsanları fərqləndirmədən onların ağrısına həssas yanaşmaq, ehtiyacı olanlara yardım göstərmək, cəmiyyətin diqqətindən kənarda qalan problemləri gündəmə gətirmək böyük mənəvi məsuliyyət tələb edir.

Mehriban xanım Əliyevanın ictimai obrazında mərhəmət anlayışının geniş yer tutması da təsadüfi görünmür. Onun müxtəlif sosial təşəbbüsləri, uşaqlara, ailələrə, xəstələrə və digər həssas qruplara yönəlmiş layihələrdə iştirakı xeyirxahlığın təşkilatlanmış şəkildə həyata keçirilməsinin nümunəsi kimi təqdim olunur.

Azərbaycan cəmiyyətində səhiyyə məsələsi həmişə xüsusi əhəmiyyət daşıyıb. Çünki sağlam insan sağlam ailənin, sağlam ailə isə sağlam cəmiyyətin əsasını təşkil edir. Buna görə də səhiyyəyə qoyulan hər bir sərmayə əslində ölkənin gələcəyinə qoyulan sərmayədir. Xüsusilə uşaqların sağlamlığına yönəlmiş layihələr gələcək nəsillərin fiziki və mənəvi inkişafı baxımından böyük əhəmiyyət daşıyır.

Mehriban Əliyevanın həkim kimi formalaşması onun qadın və ana obrazına da xüsusi çalar verir. Həkimlik insan həyatının başlanğıcı və davamlılığı haqqında dərin düşüncə tələb edən bir sahədir. Ana isə həyatın ən böyük məsuliyyətini öz üzərində daşıyan varlıqdır. Bu iki anlayışın – həkimlik və analığın – yaratdığı mənəvi yaxınlıq Mehriban xanımın sosial fəaliyyətində qadınlara, uşaqlara və ailələrə göstərilən diqqətdə də özünü büruzə verir.

Onun fəaliyyəti haqqında danışarkən yalnız titul və vəzifələri sadalamaq kifayət deyil. Əsas məsələ bu adların arxasında dayanan fəaliyyət istiqamətlərini və cəmiyyət üçün əhəmiyyətini qiymətləndirməkdir. Mehriban xanım Əliyevanın ictimai fəaliyyətində səhiyyə, humanizm, xeyriyyəçilik və sosial məsuliyyət bir-birini tamamlayan istiqamətlər kimi çıxış edir.

Azərbaycanın son illərdə səhiyyə sisteminin müasirləşdirilməsi istiqamətində həyata keçirdiyi siyasət də dövlət səviyyəsində insan sağlamlığına verilən önəmin göstəricisidir. Prezident İlham Əliyevin rəhbərliyi ilə səhiyyə infrastrukturunun yenilənməsi, yeni tibb müəssisələrinin yaradılması və tibbi xidmətlərin keyfiyyətinin artırılması istiqamətində müxtəlif layihələr həyata keçirilib. Mehriban Əliyevanın sosial və humanitar təşəbbüsləri də bu ümumi prosesin mühüm istiqamətlərindən biri kimi qiymətləndirilə bilər.

Bu gün Mehriban xanım Əliyevanın adı çəkiləndə insanların yaddaşında yalnız yüksək dövlət vəzifəsi tutan şəxsiyyət deyil, həm də humanist mövqeyi, sosial təşəbbüsləri və insanlara qayğıya yönəlmiş fəaliyyəti ilə seçilən ictimai xadim obrazı canlanır.

Bəlkə də bunun mənəvi köklərindən biri məhz onun ilk peşəsində – həkimlikdə axtarılmalıdır.

Çünki həkimlik insanı həyatın ən həssas nöqtəsi ilə – insan sağlamlığı və insan həyatı ilə üz-üzə qoyur. Bu peşəni seçən şəxs hər gün ağrı, ümid, qorxu, sevinc və həyat uğrunda mübarizə ilə qarşılaşır. Belə bir mühitdə formalaşan dünyagörüşünün insan taleyinə münasibətdə öz izlərini buraxması təbiidir.

Mehriban xanım Əliyevanın fəaliyyətində səhiyyəyə və humanitar məsələlərə xüsusi həssaslıq göstərilməsi də bu mənəvi xəttin davamı kimi qəbul edilə bilər. Onun üçün insan amilinin önə çəkilməsi, ehtiyacı olanlara dəstək göstərilməsi və sosial layihələrin reallaşdırılması cəmiyyətin mənəvi dəyərlərinin qorunmasına xidmət edən istiqamətlərdəndir.

“O, öncə peşəcə həkimdir” ifadəsi buna görə sadəcə bioqrafik məlumat deyil. Bu fikir Mehriban xanım Əliyevanın həyat yolunun müəyyən bir mənəvi başlanğıc nöqtəsini ifadə edir. Sonrakı ictimai fəaliyyətinin miqyası nə qədər geniş olsa da, insan həyatına, sağlamlığına və taleyinə həssas münasibət onun şəxsiyyətinin mühüm cizgilərindən biri olaraq qalır.

Həkimlikdən ictimai fəaliyyətə uzanan bu yolun ən mühüm məqamı isə insanı mərkəzdə saxlamaqdır. İnsan varsa, qayğı var; insan varsa, mərhəmət var; insan varsa, sağlamlıq və gələcək haqqında düşünmək məsuliyyəti var.

Mehriban xanım Əliyevanın fəaliyyətinə nəzər salarkən məhz bu baxış bucağı diqqət çəkir. Onun səhiyyə və humanitar sahələrdəki təşəbbüsləri cəmiyyətin sosial ehtiyaclarına cavab vermək, insanların həyat keyfiyyətinə töhfə göstərmək və xeyirxahlıq ənənələrini yaşatmaq məqsədi daşıyır.

Bu mənada həkimlik onun həyat yolunun yalnız başlanğıcı deyil, həm də insan sevgisini formalaşdıran mühüm məktəbdir. İnsan həyatına hörmət, ağrıya həssaslıq, köməyə ehtiyacı olana əl uzatmaq, ümidi qorumaq – bütün bunlar həkimlik peşəsinin mənəvi dəyərləridir.

Və Mehriban xanım Əliyevanın ictimai fəaliyyətinə nəzər salanda həmin dəyərlərin müxtəlif formalarda davam etdiyini görmək mümkündür.

Hürü Hacızadə

Yazıçı-publisist

“Qızıl qələm” mükafatçısı

Fərid Səfərov

Xezertv.info-nun rəhbəri

“Qızıl qələm” mükafatçısı

“Dəyişən dünyanın dəyişməz insanları” layihəsində...

"Ağ xalat, ağ ümid"
Tovuz rayonu Aşağı Mülkülü kəndindən başlayan ağ işıqlı yolun yolçularından biri...
Layihənin rəhbəri: Akademik, Atatürk mərkəzinin rəhbəri Nizami Cəfərov
Məsləhətçi: Azərbaycan Ağsaqqallar Şurasının İdarə Heyətinin üzvü, hüquq elmləri doktoru, professor, əməkdar müəllim, birinci Qarabağ müharibəsi iştirakçısı İbrahim Quliyev

Həyatda elə insanlar var ki, onların keçdiyi yol yalnız şəxsi uğurların tarixçəsi deyil, həm də zəhmətin, əzmkarlığın, insan sevgisinin və peşəkarlığın salnaməsinə çevrilir. Belə insanların həyatına nəzər salanda bir həqiqəti bir daha anlayırsan: böyük uğurlar təsadüfdən yaranmır. Hər uğurun arxasında uzun illərin zəhməti, alın təri, məsuliyyət hissi, xalqa xidmət sevgisi və öz peşəsinə sonsuz bağlılıq dayanır. İnsan doğulduğu torpağın ruhunu, aldığı ailə tərbiyəsini və həyatın ona öyrətdiyi dərsləri özü ilə ömür boyu daşıyır. Bu keyfiyyətlər onun xarakterinə çevrilir, taleyini formalaşdırır.
Azərbaycanın qədim və igidlər yurdu olan Tovuz rayonunun Aşağı Mülkülü kəndi də neçə-neçə ziyalıların, elm adamlarının, vətənpərvər insanların yetişdiyi müqəddəs ocaqlardan biridir. O kənddən başlayan yollar müxtəlif istiqamətlərə uzansa da, hamısını birləşdirən ortaq cəhət Vətənə, xalqa və insanlığa xidmət amalıdır. Bu işıqlı yolun yolçularından biri də "Premium Clinic"in təsisçi-direktoru Mübariz Nağıyevdir. Onun həyat yolu, qazandığı uğurlar, insanlara münasibəti və peşəsinə bağlılığı bir daha sübut edir ki, əsl zirvəyə yalnız zəhmətlə, dürüstlüklə və vicdanla yüksəlmək mümkündür.
Həkimlik peşəsi dünyada ən müqəddəs sənətlərdən biri hesab olunur. Bu peşənin böyüklüyü ondadır ki, insan taleyi, insan həyatı məhz həkimin biliyindən, bacarığından və vicdanından asılı olur. Ağ xalat geyinmək hər kəsə nəsib ola bilər, amma o ağ xalatın məsuliyyətini ömür boyu şərəflə daşımaq yalnız seçilmiş insanlara qismət olur. Məhz buna görə də həkim ağ xalatı geyindiyi gündən etibarən təkcə peşə sahibi deyil, həm də ümid sahibi olur. İnsanlar onun yanına ağrı ilə gəlir, ümidlə qayıdırlar. El arasında təsadüfi demirlər ki, "Ağ xalat ağ ümiddir."
Mübariz Nağıyev də məhz bu ümidin daşıyıcılarından biridir. Onun fəaliyyəti təkcə tibbi xidmətlə məhdudlaşmır. O, insan sağlamlığını həyatın ən böyük sərvəti hesab edən, müasir tibbin imkanlarını insanlara çatdırmağa çalışan, peşəsini vicdanla yerinə yetirən rəhbərlərdən biridir. "Premium Clinic"in fəaliyyəti də bu yanaşmanın nəticəsidir. Burada əsas məqsəd yalnız müalicə aparmaq deyil, insana diqqət göstərmək, onun sağlamlığını qorumaq, etimadını qazanmaq və yüksək tibbi xidmət göstərməkdir.
İnsan rəhbər vəzifəyə təyin olunmaqla rəhbər olmur. Əsl rəhbərlik kollektivin etimadını qazanmaq, iş mühiti yaratmaq, əməkdaşların inkişafına şərait formalaşdırmaq və hər kəsə nümunə olmaqdır. Mübariz Nağıyev rəhbər kimi də məhz bu keyfiyyətləri ilə seçilir. O, idarəetmədə qarşılıqlı hörmətə, peşəkarlığa və komanda ruhuna üstünlük verir. Çünki bilir ki, uğurlu kollektiv yalnız qarşılıqlı inam və birlik üzərində qurula bilər.
Bu gün tibb sürətlə inkişaf edir. Yeni texnologiyalar, müasir müalicə üsulları və innovativ yanaşmalar həkimdən daim öz üzərində işləməyi tələb edir. Mübariz Nağıyev də məhz bu prinsipi həyat amalına çevirən insanlardandır. O hesab edir ki, həkim öyrənməyi dayandırdığı gün inkişafı da dayanır. Buna görə də daim yenilikləri izləmək, təcrübəni artırmaq və müasir tibbin nailiyyətlərini tətbiq etmək onun fəaliyyətinin əsas istiqamətlərindəndir.
Peşəkarlıq yalnız diplomla ölçülmür. İnsanlarla davranış, xəstəyə münasibət, məsuliyyət hissi və vicdan peşəkarlığın ayrılmaz hissəsidir. Mübariz Nağıyevin fəaliyyətində də bu keyfiyyətlər xüsusi yer tutur. Onun üçün hər bir müraciət edən insan yalnız pasiyent deyil, qayğıya və diqqətə ehtiyacı olan bir taledir. Bu yanaşma isə insanlarda həkimə olan inamı daha da möhkəmləndirir.
Azərbaycan dövləti son illərdə səhiyyənin inkişafına xüsusi diqqət yetirir. Prezident cənab İlham Əliyevin rəhbərliyi ilə ölkəmizdə müasir xəstəxanalar tikilir, tibbi infrastruktur yenilənir, səhiyyə xidmətlərinin keyfiyyəti yüksəldilir və insanların sağlamlığının qorunması dövlət siyasətinin əsas istiqamətlərindən biri kimi həyata keçirilir. Bu inkişaf öz növbəsində özəl tibb müəssisələrinin də məsuliyyətini artırır. Mübariz Nağıyev rəhbərlik etdiyi klinikada bu məsuliyyəti dərindən dərk edərək müasir standartlara uyğun xidmət göstərilməsinə xüsusi önəm verir.
İnsan həyatının ən qiymətli sərvəti sağlamlıqdır. Sağlamlıq olmadıqda nə vəzifənin, nə var-dövlətin, nə də şöhrətin əhəmiyyəti qalır. Həkimin missiyası isə məhz bu sərvəti qorumaqdır. Bu missiyanın ağırlığını daşımaq isə böyük mənəvi güc tələb edir. Mübariz Nağıyev öz peşəsində bu məsuliyyəti dərindən hiss edən, hər qərarında insan həyatını əsas tutan peşəkar rəhbərlərdən biridir.
Doğulduğu Aşağı Mülkülü kəndi onun üçün sadəcə coğrafi məkan deyil. O torpaq onun xarakterini formalaşdıran, zəhmətə alışdıran, vətən sevgisini ürəyinə həkk edən müqəddəs yurd yeridir. Kənd həyatı insana sadəlik, dürüstlük, zəhmətkeşlik və halallıq öyrədir. Mübariz Nağıyevin xarakterində də məhz bu xüsusiyyətlər açıq şəkildə hiss olunur. Harada çalışmasından asılı olmayaraq, doğulduğu torpağa bağlılığı, el-obasına sevgisi onun mənəvi dünyasının ayrılmaz hissəsidir.
Əsl uğur insanın təkbaşına qazandığı nəticə deyil. Əsl uğur ətrafındakı insanların da inkişafına töhfə verməkdir. Mübariz Nağıyev rəhbər kimi gənc həkimlərin yetişməsinə, tibbi personalın peşəkarlığının artırılmasına, müasir tibbi mədəniyyətin formalaşmasına xüsusi diqqət yetirir. Çünki o bilir ki, gələcəyin güclü səhiyyəsi məhz bugünkü gənc mütəxəssislərin bilik və bacarığından asılıdır.
İnsan ömründə ən qiymətli mükafat insanların duasıdır. Bəzən bir xəstənin sağalaraq həkimə təşəkkür etməsi, bir ailənin yenidən ümid qazanması bütün fəxri adlardan daha dəyərlidir. Həkim peşəsinin müqəddəsliyi də məhz bundadır. Mübariz Nağıyev üçün də insanların etimadı ən böyük dəyərdir. Bu etimad isə illərlə qazanılır və vicdanla qorunur.
Müasir dövrdə tibbi xidmət yalnız diaqnoz və müalicədən ibarət deyil. Pasiyentin psixoloji vəziyyətinə diqqət yetirmək, onun suallarını cavablandırmaq, düzgün istiqamət göstərmək də həkim peşəsinin ayrılmaz hissəsidir. "Premium Clinic"də formalaşdırılan xidmət mədəniyyətində də məhz bu prinsiplər üstünlük təşkil edir. İnsan klinikanın qapısından daxil olduğu andan özünü etibarlı əllərdə hiss etməlidir. Bu yanaşmanın formalaşmasında Mübariz Nağıyevin rəhbərlik fəlsəfəsi mühüm rol oynayır.
Mən həmişə düşünmüşəm ki, insanın peşəsi onun xarakterinin aynasıdır. Əgər insan vicdanlıdırsa, peşəsində də vicdanlı olacaq. Əgər insan mərhəmətlidirsə, rəhbər olduğu kollektivdə də həmin mərhəmət və ədalət hiss olunacaq. Mübariz Nağıyevin fəaliyyətinə baxarkən də məhz bu xüsusiyyətləri görmək mümkündür. Onun uğurunun sirri yalnız idarəçilik bacarığında deyil, insanlara münasibətində, dürüstlüyündə və məsuliyyət hissindədir.
Bu gün Azərbaycanda özəl səhiyyə sektorunun inkişafı cəmiyyət üçün mühüm əhəmiyyət daşıyır. Bu sahədə çalışan rəhbərlərdən yüksək peşəkarlıq, müasir yanaşma və sosial məsuliyyət tələb olunur. Mübariz Nağıyev də öz fəaliyyəti ilə göstərir ki, tibbi xidmət biznes anlayışından daha çox sosial missiyadır. İnsan sağlamlığına xidmət edən hər bir müəssisə ilk növbədə cəmiyyət qarşısında məsuliyyət daşıyır.
Həyatda elə insanlar olur ki, onların adı çəkiləndə ilk olaraq vəzifəsi deyil, insanlığı yada düşür. Çünki zaman keçdikcə insanın qazandığı sərvət deyil, qoyduğu iz yaşayır. Mübariz Nağıyev də ətrafındakı insanların yaddaşında peşəkar həkim, bacarıqlı təşkilatçı, qayğıkeş rəhbər və səmimi insan kimi qalmağı bacaran ziyalılardandır.
Tovuzun Aşağı Mülkülü kəndindən başlanan yol bu gün böyük uğurlarla davam edir. Hər bir uğurun arxasında isə kənd məktəbində öyrənilən ilk dərslər, valideyn nəsihətləri, halal zəhmət, vicdanlı əməyin gücü dayanır. İnsan haraya getsə də, hansı zirvəyə yüksəlsə də, doğulduğu torpaq onun ruhunda yaşayır. Mübariz Nağıyevin həyat yolu da bunun bariz nümunəsidir.
Publisist kimi mənə görə, insanın böyüklüyü onun haqqında deyilən təriflərlə deyil, arxasınca söylənilən xoş dualarla ölçülür. Ağ xalat yalnız tibbi geyim deyil. O, məsuliyyətin, paklığın, vicdanın, mərhəmətin və ümidin rəmzidir. Hər ağ xalat geyinən bu adı doğrulda bilmir. Lakin peşəsini insan sevgisi ilə birləşdirənlər bu adı ömür boyu şərəflə daşıyırlar.
Mübariz Nağıyev də həmin insanların sırasındadır. O, peşəsini yüksək məsuliyyətlə yerinə yetirən, rəhbər olduğu kollektivdə sağlam iş mühiti yaradan, insanların etimadını qazanan, doğulduğu torpağın adını daim uca tutmağa çalışan ziyalı obrazıdır. Onun həyat yolu bir daha sübut edir ki, insanın əsl dəyəri sahib olduğu vəzifədə deyil, xidmət etdiyi insanlarda, qazandığı etimadda və qoruduğu mənəvi prinsiplərdədir.
Bu gün də Tovuzun Aşağı Mülkülü kəndindən başlayan o işıqlı yol davam edir. O yolun hər addımında zəhmət var, məsuliyyət var, Vətən sevgisi var, insan sevgisi var. Və həmin yolun yolçularından biri olan Mübariz Nağıyev "Ağ xalat, ağ ümid" fəlsəfəsini öz peşə fəaliyyəti ilə yaşadan, insan sağlamlığını ən ali dəyər hesab edən, peşəkarlığı, təşkilatçılığı və yüksək mənəvi keyfiyyətləri ilə seçilən nümunəvi bir Azərbaycan ziyalısıdır.

Hürü Hacızadə
Yazıçı-publisist,
“Qızıl qələm” mükafatçısı

Fərid Səfərov
AJB-nin üzvü,
Azərbaycan Vətən Müharibəsi Veteranları İB-nin fəxri üzvü

“Dəyişən dünyanın dəyişməz insanları” layihəsində...

Layihənin rəhbəri: Akademik, Atatürk mərkəzinin rəhbəri Nizami Cəfərov

Vicdan, ləyaqət, şərəf üstəgəl peşəkarlıq...

Dünyanı Azərbaycana gətirən peşəkar

Məsləhətçi: Azərbaycan Ağsaqqallar Şurasının İdarə Heyətinin üzvü, hüquq elmləri doktoru, professor, əməkdar müəllim, birinci Qarabağ müharibəsi iştirakçısı İbrahim Quliyev

Həyatda elə insanlar var ki, onların qazandığı nüfuz nə vəzifədən, nə reklamdan, nə də təsadüfdən qaynaqlanır. Onların ən böyük sərvəti insan etimadı, peşəkarlıqları və vicdanla yaşadıqları ömür yoludur. Belə insanlar cəmiyyət üçün sadəcə mütəxəssis deyil, həm də örnək şəxsiyyətə çevrilirlər. Onlar gördükləri işlə peşələrinin nüfuzunu yüksəldir, insanlara inam bəxş edir, adlarını hörmətlə yaşadırlar.

Mən bu gün məhz belə bir ziyalı xanımdan, peşəsini ürəkdən sevən, insan sağlamlığına və gözəlliyinə xidmət etməyi həyat amalı seçən, həkim adının məsuliyyətini dərindən dərk edən həkim-kosmetoloq Aytən Seyidova haqqında söz açmaq istəyirəm.

Yazının adını təsadüfən "Vicdan, ləyaqət, şərəf üstəgəl peşəkarlıq..." qoymadım. Çünki Aytən Seyidovanın fəaliyyətinə nəzər saldıqda bu dörd anlayışın bir-birini tamamladığını görmək mümkündür. Peşəkarlıq vicdanla birləşəndə etimad yaranır. Ləyaqət şərəflə qoşalaşanda isə insanın adı dillərdə hörmətlə çəkilir.

Müasir dünyada tibb yalnız xəstəliklərin müalicəsi ilə məhdudlaşmır. İnsanların özünəinamının artırılması, həyat keyfiyyətinin yüksəldilməsi və estetik baxımdan daha rahat hiss etmələrinə kömək etmək də həkim peşəsinin mühüm istiqamətlərindən biridir. Məhz buna görə kosmetologiya bu gün tibbin ən məsuliyyətli və incə sahələrindən biri hesab olunur. Bu sahədə çalışan həkim yüksək bilik, dəqiqlik, estetik zövq və böyük məsuliyyət hissinə malik olmalıdır.

Aytən Seyidova bu keyfiyyətləri öz şəxsiyyətində birləşdirən mütəxəssislərdəndir.

O, peşəsini sadəcə qazanc mənbəyi kimi deyil, insanlara xidmət missiyası kimi qəbul edir. Hər bir pasiyentə fərdi yanaşması, diqqəti və səmimiyyəti onu fərqləndirən əsas xüsusiyyətlərdəndir. Onun qəbuluna gələn insanlar yalnız tibbi xidmət almırlar. Onlar eyni zamanda qayğı, anlayış və inam görürlər.

Çünki əsl həkim ilk növbədə insanı dinləməyi bacarmalıdır.

Aytən xanım da məhz belə həkimlərdəndir.

Onun fəaliyyətinə baxdıqca belə bir fikir formalaşır ki, peşəkarlıq yalnız diplom və sertifikatlarla ölçülmür. Əsl peşəkarlıq insanın öz işinə münasibətində, məsuliyyət hissində və vicdanında özünü göstərir.

Müasir kosmetologiya sürətlə inkişaf edən sahədir. Hər gün yeni metodlar, innovativ texnologiyalar və elmi yeniliklər meydana çıxır. Bu yenilikləri izləmək, daim öyrənmək və öz üzərində işləmək isə yalnız peşəsini sevən insanların bacardığı işdir.

Aytən Seyidova da məhz belə mütəxəssislərdəndir.

O, dünya təcrübəsini öyrənməyə, beynəlxalq yenilikləri izləməyə və müasir yanaşmaları fəaliyyətində tətbiq etməyə xüsusi önəm verir. Bu səbəbdən də onun haqqında "Dünyanı Azərbaycana gətirən peşəkar" ifadəsi təsadüfi səslənmir. Burada söhbət yalnız xarici təcrübədən deyil, dünyanın qabaqcıl tibbi-estetik yanaşmalarını ölkəmizdə tətbiq etmək istəyindən, daim yenilənmək və inkişaf etmək əzmindən gedir.

Bu gün qloballaşan dünyada informasiya sərhəd tanımır. Tibb də istisna deyil. Dünyanın müxtəlif ölkələrində əldə edilən uğurlu təcrübələrin öyrənilməsi və tətbiqi peşəkar həkimlərin əsas vəzifələrindən biridir. Aytən xanım bu baxımdan daim öz üzərində çalışan, beynəlxalq təcrübəni izləyən və pasiyentlərinə müasir tibbi yanaşmalar təqdim etməyə çalışan həkim obrazı ilə seçilir.

Lakin bütün bunlardan daha vacib bir məsələ var; vicdan. Bu yoxdursa, heç bir peşəkarlıq insanı böyük edə bilməz.

Vicdan həkimin ən böyük sərvətidir.

Çünki həkimə insan öz sağlamlığını, bəzən isə həyatını etibar edir.

Bu etimadın qorunması isə yalnız vicdanlı həkimlərin işi ola bilər.

Aytən Seyidovanın fəaliyyətində də məhz bu keyfiyyət diqqəti cəlb edir.

Onun peşəsinə münasibətində məsuliyyət hissi hər zaman ön plandadır.

Həkim adı Azərbaycan cəmiyyətində hər zaman müqəddəs peşələrdən biri hesab olunub. Bu ada layiq olmaq illərlə zəhmət tələb edir. Onu qorumaq isə bundan da çətindir.

Aytən Seyidova bu müqəddəs adın şərəfini uca tutmağa çalışan həkimlərdəndir.

O, peşəsini sevir.

Peşəsinə hörmət edir.

Ən əsası isə bu peşənin cəmiyyət qarşısında daşıdığı böyük məsuliyyəti dərindən anlayır.

İnsanların ona olan sevgisinin sirri də məhz bundadır.

Sevgi zorla qazanılmır.

Etibar reklamla yaranmır. İşini ləyaqətlə görənlərin həmişə başı uca olur, həm Tanrı, həm insanlar qarşısında.

Bunlar yalnız səmimiyyət və peşəkarlıqla əldə olunur.

Aytən xanımın qazandığı hörmət də uzun illərin zəhmətinin nəticəsidir.

Onun fəaliyyəti göstərir ki, gözəllik anlayışı yalnız zahiri görünüşlə məhdudlaşmır. Əsl gözəllik insanın özünü rahat, inamlı və xoşbəxt hiss etməsidir. Kosmetoloqun vəzifəsi də yalnız estetik dəyişiklik etmək deyil, insanın özünə inamını dəstəkləməkdir. Aytən Seyidova: “Hər bir qadın individualdır. Hər qadının sifət quruluşu, genetikası, yaşının fərqi həkim-peşəkara son dərəcə məsuliyyətli olmağı diktə edir. Bu inkişaf edən dünyada pereparatlar, vasitələr demək olar ki, sürətlə inkişaf edir. Hər bir üzün bu pereparatları qəbuletmə mexanizmi mövcuddur. Mən həmişə belə şeylərə diqqətlə və məsuliyyətlə yanaşıram. Demək olar ki, hər gün oxuyuram, maariflənirəm. Dünya brendləri ilə mütəmadi tanış oluram. Dünyanın sayılan ölkələrinin dəvətini almışam. Mütəxəssisləri öz işlərimlə maraqlandırmışam. Böyük seminarlar keçirirəm. Bu seminarlar maarifləndirməyə xidmət edir. Bu mənim vətəndaşlıq missiyamdır. Mən peşəkar həkiməm, insan anatomiyasını əzbərdən bilirəm. Arzum budur ki, heç bir qadın cazibədarlığını, cavanlığını itirməsin. Yaşın nə fərqi var ki? İfadəsi hər bir qadına şamil olunsun.”

Bəli, bu bir peşəkarın öz fəaliyyətinə olan sədaqət andıdır.

Çünki hər müdaxilə tibbi bilik, etik yanaşma və peşəkar qərarvermə tələb edir.

Aytən Seyidova məhz bu məsuliyyətin fərqində olan həkimlərdəndir.

Onun vətənpərvərliyi də diqqət çəkən xüsusiyyətlərindəndir.

Vətən sevgisi yalnız sözlə ifadə olunmur.

Hər kəs öz peşəsində ölkəsinə xidmət etməklə vətənpərvər ola bilər.

Aytən xanım da bunu öz fəaliyyəti ilə nümayiş etdirir.

Azərbaycan səhiyyəsinin inkişafına töhfə vermək, ölkəmizdə müasir tibbi xidmətlərin inkişafına çalışmaq, insanların sağlamlığına xidmət etmək ən gözəl vətənpərvərlik nümunələrindən biridir.

Bu gün Azərbaycan inkişaf edir.

Səhiyyə də bu inkişafın mühüm istiqamətlərindəndir.

Müasir klinikalar yaradılır, yeni texnologiyalar tətbiq olunur, tibbi xidmətlərin keyfiyyəti artırılır.

Belə bir dövrdə peşəkar həkimlərin məsuliyyəti daha da artır.

Aytən Seyidova bu məsuliyyəti dərk edən mütəxəssislərdəndir.

Onun fəaliyyəti gənc həkimlər üçün də nümunə ola bilər.

Çünki peşəkarlıq yalnız bilik deyil.

Peşəkarlıq həm də mədəniyyətdir, davranışdır, ünsiyyətdir, etikadır.

Bu keyfiyyətlərin hamısı birlikdə əsl həkim obrazını yaradır.

Aytən Seyidovanın həyat yolu göstərir ki, insan öz peşəsini ürəkdən sevəndə uğur gec-tez onun qapısını döyür. Sevgi ilə görülən iş insanın simasında da, fəaliyyətində də hiss olunur. Məhz buna görə onun haqqında danışarkən ilk növbədə peşəsinə bağlılığı yada düşür.

Əsl həkim heç vaxt öyrənməyi dayandırmır.

Xalq sevgisi özü-özlyündə bərəkətlidir. Aytən doktor savad və təcrübəsini gözünə diqqət və qayğını, səmimiyət və məsuliyyəti qataraq işləyir.

Bu yanaşma isə onu fərqləndirən əsas xüsusiyyətlərdən biridir. Aytən Seyidova ruhu ilə sevən, əlləri ilə gözəlliklər yaradan gözəllik mütəxəssisidir. Hər bir qadının arzusunda olduğu daimi cavanlıq, cəlbedicilik arzusunu sönməyə qoymayan gözəllik mələyidir! Onun səmimiyyəti o qədər təbii, o qədər xoşbəxtedəndir ki!... Bu ünsiyyətin özü belə insanın ruhunu sakitləşdirir. Bilirsən ki, qarşındakı insan işinin pərgarı olmaqla yanaşı, həm də sənə doğmadır. Bu doktor Aytən Seyidovanın təbiətdən çəkilmiş insani obrazıdır.

Mükafatlar, diplomlar və fəxri adlar zaman keçdikcə arxivə çevrilə bilər.

Lakin insanların ürəyində qalan xoş xatirələr əbədi yaşayır.

Həkim peşəsinin əsl qiyməti də məhz budur.

Bu gün Aytən Seyidovanın adı hörmətlə çəkilirsə, bunun səbəbi onun peşəsinə və insanlara olan münasibətidir.

Mən inanıram ki, belə həkimlər Azərbaycan səhiyyəsinin inkişafında bundan sonra da mühüm rol oynayacaqlar. Onların təcrübəsi, bilikləri və peşəyə sevgisi yeni nəsil həkimlər üçün örnək olacaq.

İstər ürək həkimi, istər cərrah, istər kim olursa ol. Öz peşənin peşəkarı ol.

Sonda bir fikri xüsusi vurğulamaq istəyirəm.

Aytən Seyidova isə peşəkarlığı insanlıqla birləşdirə bilən həkimlərdəndir.

Bu isə ən böyük uğurdur.

Bütün insani və peşə dəyərlərinin vəhdəti Aytən Seyidovanın həkimlik yolunun mənəvi pasportudur. O, peşəsini sevən, daim inkişaf etməyə çalışan, insan amilini hər şeydən üstün tutan və həkim adının ucalığını qorumağa çalışan mütəxəssis kimi tanınır. Belə insanlar yalnız bir peşənin nümayəndəsi deyil, həm də cəmiyyətin mənəvi dəyərlərini yaşadan şəxsiyyətlərdir. Onların fəaliyyəti insanlara ümid, inam və etibar aşılayır. Məhz buna görə Aytən Seyidova haqqında danışarkən ilk növbədə onun peşəkarlığı ilə yanaşı, vicdanı, ləyaqəti və şərəfi yada düşür. Bu isə hər bir həkim üçün qazanıla biləcək ən böyük mənəvi mükafatdır.

PS. Bir neçə gün sonra Aytən Seyidova öz yeni yaşını qeyd edəcək. Yeni yaşla birgə Sizə yeni peşə uğurları və qələbələri arzu edirik. Ruhunuz daim şad, əlləriniz isə yorulmasın, hörmətli əziz doktorumuz!

Hörmətlə,

Hürü Hacızadə

Yazıçı-publisist,

“Qızıl qələm” mükafatçısı

Fərid Səfərov

Xezertv.info-nun rəhbəri,

AJB-nin üzvü

Mövqe: Hüquqi qiymət verilmiş məsələ ətrafında dezinformasiyaya son qoyulmalıdır. LOR həkimi Rəşad Məmmədovun haqqında yayılan məlumatlar həqiqəti əks etdirmir.

Heqiqixeber.az xəbər verir ki, son günlər bəzi media resurslarında və sosial şəbəkə platformalarında LOR cərrahı Rəşad Məmmədov haqqında müxtəlif iddialar və ittiham xarakterli paylaşımlar yayımlanır. Cəmiyyət üçün həssas əhəmiyyət daşıyan belə mövzularda informasiyanın dəqiqləşdirilmədən təqdim edilməsi həm jurnalistikanın peşə etikası prinsiplərinə, həm də şəxsin işgüzar nüfuzunun qorunması hüququna ziddir.
Doktor Rəşad Məmmədov məsələ ilə bağlı açıqlamasında bildirib ki, onun barəsində səsləndirilən iddialar həqiqəti əks etdirmir. O qeyd edib ki, pasiyentin şikayəti hüquq-mühafizə orqanları tərəfindən araşdırılıb və irəli sürülən iddialar öz təsdiqini tapmayıb. Məhz buna görə də Prokurorluq və məhkəmə tərəfindən vətəndaşın şikayəti təmin edilməyib.
Bu fakt onu göstərir ki, hüquqi qiymətini almış məsələ ilə bağlı birtərəfli və qərəzli məlumatların dövriyyəyə buraxılması ictimai rəyi yanlış istiqamətləndirə, eyni zamanda peşəkar fəaliyyət göstərən həkimin nüfuzuna zərər vura bilər. Jurnalistikanın əsas prinsiplərindən biri məlumatın bütün tərəflərinin mövqeyini öyrənmək və oxucuya obyektiv informasiya təqdim etməkdir.
Rəşad Məmmədov uzun illər tibb sahəsində çalışan mütəxəssisdir. O, 1996-cı ildə Avropa Liseyini qızıl medalla bitirib, həmin il Azərbaycan Tibb Universitetinə qəbul olunaraq uzunmüddətli təhsil və peşə hazırlığı keçib. İllər ərzində qazandığı bilik və təcrübə onun həkim kimi fəaliyyətinin əsasını təşkil edir. Belə bir mütəxəssis haqqında təsdiqlənməmiş məlumatların yayılması onun həm peşəkar fəaliyyətinə, həm də şəxsi nüfuzuna mənfi təsir göstərir.
Redaksiyamız hesab edir ki, media qurumları və sosial şəbəkə istifadəçiləri bu kimi mövzularda daha məsuliyyətli davranmalı, rəsmi sənədlərə, hüquqi qərarlara və bütün tərəflərin mövqeyinə əsaslanmalıdırlar. Obyektivlik, qərəzsizlik və peşə etikası jurnalistikanın dəyişməz prinsipləridir. Məhz bu prinsiplərə sadiqlik həm cəmiyyətin düzgün məlumatlandırılmasına, həm də insanların hüquq və nüfuzunun qorunmasına xidmət edir.


Heqiqixeber.az

Yeni Azərbaycan Partiyası Səbail rayon təşkilatı və M.F. Axundov adına Azərbaycan Milli Kitabxanasının birgə təşkilatçılığı ilə “Şəhərsalma və Memarlıq İli” çərçivəsində keçirilən Tərəqqi yolunun başlanğıcı - 14 iyul 1969 cu il

14 iyul 2026-cı il tarixində Yeni Azərbaycan Partiyası Səbail rayon təşkilatı və M.F. Axundov adına Azərbaycan Milli Kitabxanasının birgə təşkilatçılığı ilə Ulu Öndər Heydər Əliyevin 1969-cu ildə Azərbaycanda ilk dəfə siyasi hakimiyyətə gəlişinin 57-ci ildönümünə həsr olunmuş tədbir keçirilmişdir.

Tədbirdə Yeni Azərbaycan Partiyası Səbail rayon təşkilatının sədri Muxtar Nağıyev, Azərbaycan Dövlət İqtisad Universitetinin rektoru, professor Ədalət Muradov, Səbail Rayon İcra Hakimiyyəti başçısının müavini Kəmalə Həşimova, M.F. Axundov adına Azərbaycan Milli Kitabxanasının direktoru, professor Kərim Tahirov, ziyalılar, ictimaiyyət nümayəndələri və gənclər iştirak ediblər.

Əvvəlcə Ulu Öndər Heydər Əliyevin büstü önünə gül dəstələri qoyulmuşdur. Daha sonra Ulu Öndər Heydər Əliyevin və Azərbaycanın Ərazi bütövlüyü uğrunda həlak olmuş Şəhidlərimizin əziz xatirəsi dərin ehtiramla yad olunub. Çıxış edənlər 1969-cu il 14 iyul tarixinin Azərbaycan tarixində yeni inkişaf mərhələsinin başlanğıcı olduğunu vurğulayıblar. Bildirilib ki, Ümummilli Liderin rəhbərliyi ilə respublikada sənaye, kənd təsərrüfatı, elm, təhsil, mədəniyyət və digər sahələrdə mühüm islahatlar həyata keçirilib, milli kadr potensialı formalaşdırılıb və müasir dövlətçilik ənənələrinin möhkəm təməli qoyulub.

Yeni Azərbaycan Partiyası Səbail rayon təşkilatının sədri Muxtar Nağıyev çıxış edərək bildirib ki, 1969-cu il Azərbaycan tarixində yeni inkişaf mərhələsinin başlanğıcı oldu. Ulu Öndər Heydər Əliyevin rəhbərliyə gəlməsi ilə ölkəmizin bütün sahələrində əsaslı dəyişikliklər baş verdi. Milli kadr hazırlığına xüsusi diqqət yetirildi, sənaye inkişaf etdirildi, elm, təhsil və mədəniyyət dövlət siyasətinin prioritet istiqamətlərinə çevrildi.Məhz həmin dövrdə formalaşdırılan güclü dövlətçilik ənənələri Azərbaycanın müstəqillik illərində üzləşdiyi çətinliklərin aradan qaldırılmasında mühüm rol oynadı. Ümummilli Liderin müəyyən etdiyi inkişaf strategiyası bu gün Prezident İlham Əliyev tərəfindən uğurla davam etdirilir və Azərbaycan dünyanın nüfuzlu dövlətləri sırasında öz mövqeyini daha da möhkəmləndirir.

Azərbaycan Dövlət İqtisad Universitetinin rektoru, professor Ədalət Muradov çıxış edərək qeyd edib ki, Ulu Öndər Heydər Əliyevin hakimiyyətinin ilk dövrü Azərbaycanın iqtisadi potensialının gücləndirilməsi ilə yadda qalıb. Sənayeləşmə, yeni istehsal müəssisələrinin yaradılması, yüksək ixtisaslı milli kadrların hazırlanması həmin siyasətin əsas istiqamətlərindən biri olduğunu vurğulayıb.

Səbail Rayon İcra Hakimiyyəti başçısının müavini Kəmalə Həşimova çıxışında bildirib ki, Ulu Öndər Heydər Əliyev irsi Azərbaycanın dövlətçilik tarixinin ən qiymətli səhifələrindən biridir. Onun rəhbərliyi dövründə həyata keçirilən sosial siyasət insanların rifahının yüksəldilməsinə, şəhər və rayonların inkişafına, mədəni irsin qorunmasına və milli həmrəyliyin möhkəmləndirilməsinə xidmət edib.

Bu tarixi günün yad edilməsi gələcək nəsillərin dövlətçilik ənənələrinə sədaqət ruhunda yetişməsi baxımından böyük əhəmiyyət daşıyır.

M.F. Axundov adına Azərbaycan Milli Kitabxanasının direktoru, professor Kərim Tahirov çıxış edərək qeyd edib ki, Ulu Öndər Heydər Əliyev kitabxanaların, elmin və mədəniyyətin inkişafına daim xüsusi diqqət yetirən dövlət xadimi idi. Onun təşəbbüsü ilə Azərbaycanda kitabxana işi inkişaf etdirildi, mədəni irsin qorunması və gələcək nəsillərə çatdırılması istiqamətində mühüm addımlar atıldı. Milli Kitabxana bu gün də Ulu Öndərin zəngin irsinin təbliği, tarixi yaddaşımızın qorunması və gənc nəslin vətənpərvərlik ruhunda tərbiyəsi istiqamətində mühüm layihələr həyata keçirir.1969-cu il Azərbaycan tarixində yeni bir mərhələnin başlanğıcıdır. Həmin tarixi dönüş nöqtəsini xatırlamaq və gələcək nəsillərə çatdırmaq hər birimizin vətəndaşlıq borcudur.

Çıxışlarda Ulu Öndərin zəngin dövlətçilik irsinin öyrənilməsinin və gələcək nəsillərə çatdırılmasının əhəmiyyəti xüsusi vurğulanıb. Bildirilib ki, belə tədbirlər gənclərin vətənpərvərlik ruhunda tərbiyəsinə, milli-mənəvi dəyərlərin təbliğinə və dövlətçilik ənənələrinin yaşadılmasına mühüm töhfə verir.

Sonda Yeni Azərbaycan Partiyası Səbail rayon təşkilatının ictimai-siyasi həyatında xüsusi fəallıq göstərmiş partiya üzvləri fəxri fərmanla təltif olunmuşdur və Yeni Azərbaycan Partiyasının himni səsləndirilmişdir.

LOR cərrahı Rəşad Məmmədov yayılan iddialara münasibət bildirdi: “Rəsmi ekspertiza əməliyyatın düzgün icra olunduğunu təsdiqləyib” - AÇIQLAMA

Son günlər bəzi media resurslarında və sosial şəbəkələrdə LOR cərrahı Rəşad Məmmədovun həyata keçirdiyi cərrahi əməliyyatla bağlı müxtəlif iddialar yayılıb. Məsələ ilə bağlı həkim açıqlama verərək yayılan məlumatların həqiqəti əks etdirmədiyini, rəsmi araşdırmaların isə onun tibbi fəaliyyətini və icra etdiyi əməliyyatın düzgünlüyünü təsdiqlədiyini bildirib.

Rəşad Məmmədovun sözlərinə görə, sözügedən pasiyent əməliyyatdan sonra dəfələrlə tibbi müayinədən keçirilib və aparılan baxışlar zamanı nə cərrahi əməliyyat, nə də ümumi sağlamlıq vəziyyəti ilə bağlı hər hansı fəsad aşkarlanmayıb.

Həkim qeyd edib ki, pasiyent əlavə olaraq müstəqil komissiya tərəfindən tibbi ekspertizaya cəlb olunub. Ekspertiza nəticəsində həm pasiyentin sağlamlıq vəziyyəti, həm də icra olunmuş cərrahi əməliyyat barədə müsbət rəy verilib.

Rəşad Məmmədov bildirib ki, əməliyyatdan sonra pasiyentə bütün zəruri tibbi tövsiyələr həm yazılı, həm də şifahi şəkildə təqdim edilib. Lakin onun sözlərinə görə, sonradan bu tövsiyələrin bir qisminə əməl edilməməsi halları müşahidə olunub.

Həkimin açıqlamasına əsasən, həmin hallar aşağıdakılardır:

• əməliyyatdan dərhal sonra tövsiyə edilən müddət tamamlanmadan uzaq məsafəyə və soyuq iqlim şəraitinə səfər edilməsi;
• burun nahiyəsinə tətbiq olunan teyp-bandajın vaxtından əvvəl çıxarılması;
• zərgərlik kimi başın uzun müddət aşağı vəziyyətdə saxlanılmasını tələb edən əmək fəaliyyətinə normadan tez başlanılması;
• eynəkdən tövsiyə olunan müddətdən əvvəl istifadə olunması.

Rəşad Məmmədov, həmçinin yayılan məlumatlarda qeyd olunan hüquqi məsələlərə də münasibət bildirib. Onun sözlərinə görə, bu hadisə ilə bağlı hər hansı məhkəmə prosesi keçirilməyib.

"Yalnız prokurorluq tərəfindən araşdırma aparılıb, tibbi ekspertiza təyin olunub. Ekspertiza rəyi müsbət olub və cinayət işinin başlanmasının rədd edilməsi barədə qərar qəbul olunaraq araşdırmaya xitam verilib", – deyə həkim bildirib.

LOR cərrahı hesab edir ki, bəzi media və sosial platformalarda yayılan məlumatlar dezinformasiya xarakteri daşıyır.

"Pasiyentin sağlamlığına zərər vurulması və ya əməliyyatın düzgün icra edilməməsi barədə heç bir rəsmi mənfi rəy mövcud deyil. Əksinə, bütün rəsmi ekspertiza və araşdırmalar müsbət nəticə ilə yekunlaşıb. Buna görə də yayılan iddiaların qərəzli xarakter daşıdığını və mənim işgüzar nüfuzuma xələl gətirməyə yönəldiyini düşünürəm", – deyə Rəşad Məmmədov vurğulayıb.

Zəruri giriş:

Rəşad Məmmədov 1996-cı ildə Avropa Liseyini qızıl medalla bitirib. Həmin il Azərbaycan Tibb Universitetinin Müalicə işi fakültəsinə qəbul olunub və 2002-ci ildə universiteti fərqlənmə diplomu ilə başa vuraraq otorinolarinqologiya (LOR) cərrahı ixtisasına yiyələnib.

O, 2002-ci ildən etibarən burun, boğaz və qulaq cərrahiyyəsi sahəsində fəaliyyət göstərir. Təxminən 25 illik peşəkar fəaliyyəti dövründə minlərlə uğurlu cərrahi əməliyyat həyata keçirib, müxtəlif mükafatlarla təltif olunub və yerli, eləcə də beynəlxalq peşəkar təşkilatların, o cümlədən rinoplastika üzrə ixtisaslaşmış cəmiyyətlərin üzvüdür.

Rəşad Məmmədov əmək fəaliyyəti ərzində Bakı Şəhər Baş Təcili Tibbi Yardım Xəstəxanasında, 4 saylı Şəhər Klinik Xəstəxanasında, Azərbaycan Tibb Universitetinin Burun, Boğaz və Qulaq Xəstəlikləri kafedrasında, Müdafiə Nazirliyində, Dövlət Sərhəd Xidmətində, Azərbaycan Xəzər Dəniz Gəmiçiliyi Mərkəzi Dənizçilər Xəstəxanasında müxtəlif məsul vəzifələrdə çalışıb.

2022-ci ilin iyun ayında növbəti sertifikasiya imtahanını uğurla keçən həkimə Azərbaycan Respublikasının bütün ərazisində praktik LOR cərrahiyyəsi, o cümlədən burun cərrahiyyəsi fəaliyyəti ilə məşğul olmaq hüququ verilib. Hazırda o, "Vip Milan Hospital"da LOR cərrahı kimi fəaliyyətini davam etdirir.

Rəşad Məmmədov bildirib ki, qüvvədə olan sertifikasiya sənədi ona praktik burun cərrahiyyəsi, o cümlədən rinoplastika (burun estetik əməliyyatları) icra etmək hüququ verir. Onun sözlərinə görə, burun cərrahı kimi ixtisaslaşması həm funksional, həm də estetik burun əməliyyatlarını həyata keçirməsinə hüquqi əsas yaradır və bunun üçün ayrıca estetik cərrahlar siyahısında yer alması tələb olunmur.

P.S. Peşəkar həkim adı yalnız diplom və vəzifə ilə deyil, illərlə formalaşan təcrübə, vicdanlı fəaliyyət, pasiyent etimadı və tibbi etikaya sadiqliklə qazanılır. Redaksiyamızın qənaətincə, LOR cərrahı Rəşad Məmmədov da məhz belə həkimlərdən biridir.

Təxminən 25 ilə yaxındır burun, boğaz və qulaq cərrahiyyəsi sahəsində fəaliyyət göstərən Rəşad Məmmədov minlərlə uğurlu əməliyyata imza atıb, müxtəlif dövlət tibb müəssisələrində məsul vəzifələrdə çalışaraq zəngin peşəkar təcrübə qazanıb. O, tibb sahəsində qazandığı bilik və bacarıqları daim inkişaf etdirən, müasir tibbin yeniliklərini izləyən və bu yenilikləri praktik fəaliyyətində tətbiq edən mütəxəssislərdəndir.

Redaksiya olaraq hesab edirik ki, hər bir həkim haqqında fikir formalaşdırılarkən əsas meyar sosial şəbəkələrdə yayılan iddialar deyil, rəsmi ekspertiza rəyləri, qanuni araşdırmalar və peşəkar fəaliyyət tarixçəsi olmalıdır. Məhz bu prinsiplər cəmiyyətin həm həkimə, həm də səhiyyə sisteminə olan etimadının qorunmasına xidmət edir.

Rəşad Məmmədovun uzun illər ərzində sertifikasiya imtahanlarını uğurla keçməsi, qanunvericiliyin tələblərinə uyğun şəkildə praktik LOR və rinocərrah kimi fəaliyyət göstərməsi, eləcə də peşəsinə məsuliyyətlə yanaşması onun tibb sahəsində qazandığı nüfuzun əsas göstəricilərindəndir.

Hazırda Rəşad Məmmədov VIP Milan Hospitalda LOR cərrahı kimi fəaliyyət göstərir və pasiyentlərin müayinə və müalicəsini, həm funksional, həm də estetik burun cərrahiyyəsi əməliyyatlarını peşəkar şəkildə həyata keçirir. Onun uzun illərə söykənən təcrübəsi, yüksək peşəkarlığı və pasiyentlərə fərdi yanaşması həm həmkarları, həm də müraciət edən şəxslər tərəfindən yüksək qiymətləndirilir.

Redaksiya olaraq Rəşad Məmmədova gələcək peşə fəaliyyətində yeni uğurlar, möhkəm cansağlığı və Azərbaycan səhiyyəsinin inkişafı naminə həyata keçirdiyi fəaliyyətində davamlı nailiyyətlər arzulayırıq.

Məhruba Usubova

Baş redaktor

AJB-nin üzvü

Azərbaycanda qulaqdibi xəstəliyi ilə bağlı vəziyyət necədir? - RƏSMİ

Azərbaycanda epidemik parotit (qulaqdibi) üzrə epidemioloji vəziyyət sabitdir.

“ARHD.MEDiA” xəbər verir ki, bu barədə Səhiyyə Nazirliyi məlumat yayıb.

Bildirilib ki, son günlər sosial şəbəkələrdə Bakı şəhərində epidemik parotit (qulaqdibi) xəstəliyinin geniş yayıldığı ilə bağlı paylaşımlar olunur. Həmin məlumatlar mövcud epidemioloji vəziyyəti əks etdirmir. Hazırda ölkədə epidemik parotit üzrə epidemioloji vəziyyət sabitdir. Qeydiyyata alınan yoluxma halları ayrı-ayrı sporadik hallardan ibarətdir, hər hansı epidemiya və ya kütləvi yayılma qeydə alınmayıb.

"Mövcud vəziyyət aidiyyəti tibb müəssisələri tərəfindən daim epidemioloji nəzarətdə saxlanılır, zəruri profilaktik və əks-epidemik tədbirlər ardıcıl şəkildə həyata keçirilir.

Epidemik parotit daha çox peyvənd olunmamış və ya natamam peyvənd olunmuş şəxslər arasında müşahidə edilir. Xəstəlik əsasən hava-damcı yolu ilə - öskürmə, asqırma və yaxın təmas zamanı ötürülür. İnkubasiya dövrü adətən 11-23 gün davam edir. Xəstəliyin əsas əlamətləri bədən hərarətinin yüksəlməsi, qulaqətrafı tüpürcək vəzilərində şişkinlik və ağrı, çeynəmə və udma zamanı narahatlıq, ümumi halsızlıq, baş ağrısı və iştahanın azalmasıdır.

Əksər hallarda epidemik parotit yüngül keçir və tam sağalma ilə nəticələnir. Bununla belə, peyvənd olunmamış yeniyetmələrdə və böyüklərdə nadir hallarda müəyyən ağırlaşmaların inkişaf etməsi mümkündür. Bu səbəbdən xəstəliyin qarşısının alınmasında vaxtında peyvəndlənmə xüsusi əhəmiyyət daşıyır", - məlumatda qeyd olunub.

Şəfa yolunun etibarlı adı – Dr.Samirə Tağıyeva

“Dəyişən dünyanın dəyişməz insaları” layihəsnidən...
Layihənin rəhbəri: Akademik, “Atatürk” mərkəzinin rəhbəri Nizami Cəfərov.
Layihənin məsləhətçisi: Azərbaycan Ağsaqqallar Şurası İdarə Heyətinin üzvü, hüquq elmləri doktoru, professor, ictimai-siyasi xadim, əməkdar müəllim İbrahim Quliyev.
Qadınları xoşbəxt etmək onun həyat leytmotividir.
Gözəllik paylayanların mükafatı Tanrıdandı...

İnsan hər gecə yatmazdan əvvəl özünə sualla müraciət edir: “Bu gün mən nə yaxşılıq etdim, nə danışdım, nə düşündüm, nə anladım?... Əlbətdə, söhbət mükəmməl insandan gedir. Mükəmməlllik isə insana elə-belə verilmir, uzun illərin zəhmətinin, məsuliyyətinin nəticəsində insan mükəmməlliyə nail olur. Xeyirxah insanlar məsum uşağa bənzəyir, təmiz, saf, pak... Yaş artsa da bu saflıq, bu paklıq onların sona qədər yol-yoldaşı olur. U.Şekspir deyirdi: “Gələcəyiniz üçün ən yaxşı sərmayə etdiyiniz yaxşılıqlar, xeyirxah əməllərdir. Bu gələcək isə böyük məvhumda, el təbirində desək cənnətin qapısına yaxınlaşmaqdı. Yazımın qəhrəmanı tibb üzrə fəlsəfə doktoru, mama-ginekoloq Samirə Tağıyevadı...
Bir kədəri sevincə çevirsəniz həmin gün yaxşılıq etmiş olarsınız.
Kədəri sevincə çevirənlər dünyanın ən güclü insanlarıdı. Millətindən, irqindən, mənsubiyyətindən asılı olmayaraq xeyirxahlıq insana aiddi! Həyatda çoxu peşəni, sənəti özü seçir, peşə sənət olaraq. Elə insanlar da var ki, peşə, sənət onları seçir, belələrinə tanrının seçilmişləri deyirlər, belələrinə qabında, öz yerindədi deyirlər. Bəli, Samirə xanım yuxarıda qeyd etdiyim kimi ikincilərə aiddir. Həyat təcrübəsi onun özünə aid olduğuna görə... Çətinliklərlə, mübarizə də onun özünə aiddi... Bu gün o, ən gözəl fəaliyyətlə məşğuldur. Qadın məmnuniyyətinin yaradıcısıdır. Qadın məmnun olarsa, həyat gözəl olar. Qadın xoşbəxt olarsa, hamı xoşbəxt olar. Bu isə gözəl ürək, bacarıqlı əllər, incə ruh, peşəkar fəaliyyət sahibi Samirə xanımın həyat yoludur. Qadınları məmnun etmək, onları sevindirmək, gözəllik yaratmaq. Mükəmməllik isə bütün maneələri məğlub edir, özü isə heç vaxt məğlubiyyətə uğramır.
Kim deyib ki, dünya baş sığallayandı?! Həyatda ucalığa çatmaq üçün hamıdan əvvəl öz məninlə və tanrı ilə dil tapmağın bacarmalısan. Birinci özündən başlamalısan. Samirə Tağıyeva öz peşə fəaliyyətində öndə gedənlərdən biridir. Bu isə asan yolla başa gəlmir. O, daim öz üzərində işləyir, öyrənir, xarici ölkələrin təcrübəsi ilə maraqlanır, bu peşənin nə qədər məsuliyyətli olduğunu dərk etdiyindəndir bütün bunlar.
Yaşamaq olar, lakin böyük yaşamaq üçün çarpışmaq gərəkdi. Kim bu mübarizədə qalib gəlirsə o da Yaşayır! Tanrı hər bir insana onun çəkə biləcəyi qədər yük verir, bu əslində bir qədər mübahisəlidi. Çünki həyat təcrübəsi, müşahidələr, yaşananlar isə başqa şey söyləyir! Tanrı öz sevdiklərini öz gözündə ucaltmaq üçün çəkdiklərindən yüz qat artıq yükü daşımağa məcbur edir! Samirə Tağıyeva hər bir yeniliyini insanlarla bölüşməkdən çəkinmir. Çətinliklər onun həyat motivasiyasıdır. Süni mayalanma üzrə yeniliklər həddən artıq çoxdur. Bu yenilikləri peşəkar formada ortaya qoyub tətbiq etmək isə əsl peşəkarlıq tələb edir. Bu isə həm böyük zəhmətin, həm də savadın nəticəsidir.
Samirə xanım o peşəkarlardandır ki, öz məsləyinə xüsusi həssaslıqla yanaşır. Onun tərcümeyi-halı cəmiyyətə bir peşəkarın öz üzərində əzmlə çalışmasının xüsusi göstəricisinin bariz nümunəsidir. Bu əsl peşəkarın baxış bucağıdır.
Zəruri giriş:
Uzun illərə söykənən iş təcrübəsinə malik olan mama-ginekoloq, tibb üzrə fəlsəfə doktoru Samirə Tağıyeva 1998-ci ildə Azərbaycan Tibb Universitetini bitirib.
1998-ci ildə Azərbaycan Respublikası SN Neyrocərrahiyyə Mərkəzində anestezioloq-reanimatoloq ixtisası üzrə internatura keçib.
1998-2001-ci illərdə Samirə Tağıyeva Rusiya Fedrasiyası Sankt Peterburq şəhərində Dövlət Diplomdansınrakı Tibb Təhsili akademiyasında mama-ginekologiya ixtisası üzrə ordinatura təhsili alıb.
2001-2004-cü illərdə S.M.Kirov adına Hərbi Tibb Akademiyasında professor V.N.Kustarov və A.A.Yakovlevin rəhbərliyi altında aspirantura təhsili alıb.
Daha sonra Samirə Tağıyeva 2004-cü ildə Rusiyanın Sankt Peterburq şəhərində mama-ginekologiya və yoluxucu xəstəliklər üzrə dissertasiya müdafiə edərək tibb üzrə fəlsəfə doktoru elmi dərəcəsinə yiyələnib.
Dissertasiya mövzusu: “HİV-ə yoluxmuş qadınlarda hamiləlik dövrü, doğuş, doğuşdan sonrakı dövr və yeni doğulmuş körpənin vəziyyəti”
DOKTOR SAMİRƏ TAĞIYEVANIN İŞTİRAK ETDİYİ TƏKMİLLƏDİRMƏ KURSLARI:
2001-ci il Mama-ginekologiyada Endokrin patologiyası (Sankt-Peterburq Dövlət diplomundan sonrakı təhsil üzrə Tibb Akademiyası, Rusiya, Sankt-Peterburq).
2002-ci il Ultrasəs diaqnostikası (Sankt-Peterburq Dövlət diplomdan sonrakı təhsil üzrə Tibb Akademiyası, Rusiya, Sankt-Peterburq).
2002-ci il Uşaqlıq və vagina patologiyası (Sankt-Peterburq Dövlət diplomdan sonrakı təhsil üzrə Tibb Akademiyası, Rusiya, Sankt-Peterburq).
2002-ci il Qarın boşluğu orqanlarının Laparoskopik cərrahiyyəsi (Sankt-Peterburq Dövlət diplomdan sonrakı təhsil üzrə Tibb Akademiyası, Rusiya, Sankt-Peterburq).
2004-cü il Klinik onkologiya (Sankt-Peterburq Dövlət diplomdan sonrakı təhsil üzrə Tibb Akademiyası, Rusiya, Sankt-Peterburq).
2006-cı il Ginekologiyada Lazer texnologiyaları (Akademik İ.P. Pavlov adına Dövlət Tibb Universiteti, Rusiya, Sankt-Peterburq).
2006-cı il Reproduktiv Yardım texnologiyaları (IVF), (“AVA-Peter” Rusiya – Finlandiya klinikası, Rusiya, Sankt-Peterburq).
2006-cı il Ginekologiyada laparoskopiya (Rusiya Dövlət Tibb Universitetinin mama-ginekologiya fakültəsi, Akademik G.M. Saveliev, T.e.d. Professor S.V. Ştırovun rəhbərliyi ilə, Rusiya, Moskva).
2007-ci il Reproduktiv Yardım texnologiyaları (IVF), (A.R.T. Center Bogenhausen G.m.b.H, Prinzregentenstrasse 69-81675 München), Professor D. Berq və T.e.d B. Lezonanın rəhbərliyi ilə, Almaniya, Münhen.
2008-ci il Reproduktiv bərpa üsulları ilə Sonsuzluğun müalicəsi (Baltik reproduktiv bərpa İnstitutu, Professor A.L. Nikitinin rəhbərliyi ilə, Rusiya, Sestroretsk).
2009-cu il Bakı Ali Attestasiya Komissiyası tərəfindən Tibb üzrə fəlsəfə doktoru dərəcəsi ilə təltif olunmuşdur.
2011-ci il Perinatal diaqnostika (xorionik biopsiya, amniosentez, kordosentez), (Perinatal Tibb Mərkəzi, V.A.Gnetetskoyun rəhbərliyi ilə).
DOKTOR SAMİRƏ TAĞIYEVANIN ƏMƏK FƏALİYYƏTİ:
Samirə Tağıyeva 15 il Leyla Şıxlinskaya Klinikasında işləyib, şöbə müdiri, baş həkim vəzifəsində.
Hazırda Liv Bona Dea Hospitalda və Oksigen Klinikasında peşəkar fəaliyyətini davam etdirir.
Oksigen klinikasında direktor müavini, Liv Bona Dea klinikası – mama-ginekoloq.
Dünyada və ölkəmizdə mama-ginekoloqların beynəlxalq və yerli konqreslərində, simpozium və qurultaylarda hesabatları ilə iştirak edib, həmkarları ilə bilik və təcrübələrini bölüşür.
Samirə Tağıyevanın 34-dən artıq elmi-praktiki məqalələri nəşr olunub.
O, ginekologiyanın bütün sahələri ilə (laparotomiya, laparoskopik əməliyyatlar, invaziv perinatal diaqnostika, lazer cərrahiyyəsi) məşğul olur.
DOKTOR SAMİRƏ TAĞIYEVANIN ƏSAS FƏALİYYƏT İSTİQAMƏTİ:
Normal və patoloji hamiləlik, hamiləliyin təqibi, fizioloji və cərrahi doğuşlar;
Konservativ (menstrual tsiklin, menopauza və endokrin pozulmaları,
yumurtalıqların polikistik sindromu, uşaqlıq mioması, endometrioz və s.)
və cərrahi (abdominal, vaginal, laparoskopiya və histeroskopiya) ginekologiya;
Uşaqlıq yolunun və uşaqlıq boynunun patologiyasının diaqnostikası (kolposkopiya) və müalicəsi.
Sonsuzluğun diaqnostikası və müalicəsi, o cümlədən süni mayanma prosedurunun həyata keçirilməsi,
Estetik (vaginoplastika, Dr.Samirə Tağıyeva deformasiyaların ləğvi, vaginal və vulvar quruluq, vaginal atrofiyani, cinsi istəyinin pozulmasi, vaginizm, təkrarlanan infeksiyaların və s. patoloji vəziyyətləri aradan qaldıraraq xəstələrin həyat keyfiyyətinin yaxşılaşdırmağına kömək edir.

Samirə Tağıyeva deyərdim ki, çox savab işlə məşğuldur. Onun qəbuluna gələn hər bir xanım inamla, ümidlə öz işinin peşəkarının yanına gəlir. Çünki, peşəkarlıq, istedad öz peşəsinə içilən sədaqət andı Dr.Samirə Tağıyevanın həyat, peşə leytmotividir. Hər bir insanın əməlləri, fəaliyyəri onun tale yolunun bələdçisidir. Samirə Tağıyeva bu həyata sevinc bəxş etmək üçün gəlib, bu da onun peşəkarlığının açması...
İncə ruha, təmiz qəlbə, saf əqidəyə, gülər üzə sahib bir xanım əfəndi. Bir qadına ana olmaq səadətini bəxş etmək, həm də bu sevincli xəbəri verərək “sən ana olacaqsan” müjdəsini vermək Tanrı dərkində ən savab əməllərdən biridir. Çörəyi ver çörəkçiyə birini də artıq. Dr. Samirə Tağıyeva bu dünyaya həkim olaraq göz açıb. Onun uğurlarla, baş ucaldan nailiyyətlərlə dolu, uzun zəhmətin və əziyyətin bəhrəsi olan göstəriciləri bunu sübuta yetirir. Düz deyirlər, qadın böyük qüvvədir. İncə və zərif vücuda malik olan bu xanımın yaxşı mənada nələrə qadir olduğu göz qabağındadır. Qadın istədisə edər. Samirə xanım qarşısına qoyduğu məram və məqsədini həyata keçirmək üçün əziyyətlərə qatlandı. Uzun yol getdi. Peşəsini incəliyə-incəliyə dərindən öyrəndi. Bu Samirə doktorun xalqına olan sevgisindən qaynaqlanır. Samirə Tağıyeva planla yaşayan qadınlardandır. O, eyni zamanda elm adamıdır, alimdir. Samirə Tağıyevanı tanıyanlar bu qədər zəngin uğur və statusların sahibinin çox sadə və incə qəlbə malik olmağını söyləyirlər. Samirə Tağıyeva başdan-ayağa həkimdir, peşəkardır.
Onun həyat fəlsəfəsində gözəllik yaratmaq eşqi dayanır. Qadını aliləşdirən və gözəlləşdirən onun analıq statusudur. Bu mükafat göydə Allahdan, yerdə isə Samirə Tağıyeva kimi uzman peşəkarların boyuna biçilib.
Ruhunuz, qəlbiniz, əlləriniz yorulmasın, Dr. Samirə Tağıyeva!
İnsan həyatında elə peşələr var ki, onların daşıdığı məsuliyyət ölçüyəgəlməzdir. Bu peşələrdən biri də həkimlikdir. Həkim olmaq yalnız elm öyrənmək, diaqnoz qoymaq və müalicə aparmaq deyil. Həkim olmaq insan taleyinə cavabdehlik daşımaq, gecəni-gündüzə qatmaq, ağrıya məlhəm olmaq, ümidsizliyə ümid bəxş etmək deməkdir. Bu müqəddəs peşənin ləyaqətli nümayəndələrindən biri də tibb üzrə fəlsəfə doktoru, cərrah mama-ginekoloq Dr. Samirə Tağıyevadır.
Bu gün yüzlərlə ailənin sevincində, minlərlə insanın dualarında Dr. Samirə Tağıyevanın adı ehtiramla çəkilir. Onun peşəkarlığı, insanpərvərliyi, xəstələrinə göstərdiyi qayğı və məsuliyyət hissi onu yalnız uğurlu həkim kimi deyil, həm də böyük ürək sahibi kimi tanıdır.
Müasir tibbin inkişaf etdiyi bir dövrdə peşəkar olmaq üçün təkcə bilik kifayət etmir. Bunun üçün həm də vicdan, səbr, mərhəmət və insan sevgisi lazımdır. Samirə Tağıyeva məhz bu keyfiyyətləri özündə birləşdirən nadir həkimlərdəndir. O, hər zaman xəstəsinə sadəcə pasiyent kimi deyil, bir insan taleyi kimi yanaşır. Məhz buna görə də onun qəbuluna gələn insanlar ilk növbədə özlərini etibarlı əllərdə hiss edirlər.
Qadın sağlamlığı hər bir cəmiyyətin gələcəyi deməkdir. Ana sağlamlığı ailənin, ailə isə dövlətin təməlidir. Bu baxımdan mama-ginekoloqların fəaliyyəti xüsusi əhəmiyyət daşıyır. Dr. Samirə Tağıyeva illərdir ki, bu məsuliyyətli sahədə çalışaraq minlərlə qadının sağlamlığının qorunmasına, minlərlə körpənin dünyaya göz açmasına töhfə verir.
Bir uşağın dünyaya gəlməsi ailə üçün ən böyük xoşbəxtlikdir. Həmin sevincin arxasında isə çox zaman həkim əməyinin, peşəkarlığının və məsuliyyətinin böyük payı dayanır. Samirə həkimin peşə fəaliyyətində yüzlərlə belə xoşbəxt hekayə mövcuddur. Onun peşəkar yanaşması, diqqəti və yüksək tibbi hazırlığı sayəsində bir çox ailələr valideyn olmaq sevincini yaşamışdır.
Həkimlik sənətində insanın biliyi qədər onun mənəvi dünyası da böyük rol oynayır. Samirə Tağıyeva öz xəstələrinə qarşı səmimiyyəti, qayğıkeş münasibəti və xoş davranışı ilə seçilir. Xəstələrin əksəriyyəti onun haqqında danışarkən ilk növbədə mehribanlığını və diqqətini vurğulayırlar. Çünki xəstə üçün bəzən bir xoş söz, bir təskinlik ifadəsi belə dərman qədər önəmli olur.
Müasir dövrdə cərrah mama-ginekoloq olmaq həm böyük bilik, həm də dəqiq qərarvermə qabiliyyəti tələb edir. Bəzən saniyələrin taleyüklü olduğu məqamlarda həkimin peşəkarlığı insan həyatını xilas edir. Samirə Tağıyeva da öz fəaliyyətində dəfələrlə bu məsuliyyətin öhdəsindən uğurla gəlmiş, peşəsinin ən yüksək tələblərinə uyğun xidmət göstərmişdir.
Onun fəaliyyətində diqqəti cəlb edən ən mühüm cəhətlərdən biri daim öz üzərində işləməsidir. Tibb daim yenilənən elm sahəsidir. Bu gün əldə olunan bilik sabah yeni nailiyyətlərlə əvəz olunur. Buna görə də uğurlu həkim daim öyrənməli, yenilikləri izləməli və təcrübəsini zənginləşdirməlidir. Samirə Tağıyeva da məhz bu prinsipə sadiq qalaraq tibbin müasir yeniliklərini mənimsəyən və onları praktik fəaliyyətində tətbiq edən mütəxəssislərdəndir.
Onun qazandığı uğurlar təsadüfi deyil. Bu uğurların arxasında uzun illərin zəhməti, yorulmaz fəaliyyəti, gecəli-gündüzlü çalışmaları dayanır. Hər bir peşəkarın həyatında olduğu kimi, Samirə Tağıyevanın da uğur yolunda əzmkarlıq, qətiyyət və fədakarlıq mühüm rol oynamışdır.
Həkim peşəsi sadəcə iş yeri ilə məhdudlaşmır. Əsl həkim günün istənilən saatında xəstəsinin yanında olmağa hazır olur. Bu mənada Samirə Tağıyeva peşəsinə ürəkdən bağlı olan insanlardandır. Onun üçün ən böyük mükafat xəstələrinin sağlamlığına qovuşması, onların üzündə yenidən təbəssüm görməkdir.
İnsan həyatına toxunmaq, ona sağlamlıq bəxş etmək böyük xoşbəxtlikdir. Samirə həkim məhz bu xoşbəxtliyi hər gün yaşayır. O, yalnız xəstəlikləri müalicə etmir, insanlara yaşamaq ümidi verir, gələcəyə inam bəxş edir. Bu isə həkimlik sənətinin ən ali mərtəbəsidir.
Tibb üzrə fəlsəfə doktoru kimi onun elmi fəaliyyəti də xüsusi dəyərə malikdir. Elmi biliklə praktiki təcrübənin vəhdəti hər bir həkimin fəaliyyətini daha da gücləndirir. Samirə Tağıyeva həm alim, həm də praktik həkim kimi öz sahəsində uğurla fəaliyyət göstərir və Azərbaycan səhiyyəsinin inkişafına töhfə verir.
Bu gün onun adı peşəkarlığın, etimadın və insanpərvərliyin simvoluna çevrilib. Xəstələrinin ona göstərdiyi hörmət və etibar da məhz bunun nəticəsidir. İnsanlar ona yalnız yüksək ixtisaslı mütəxəssis kimi deyil, həm də etibarlı dost və qayğıkeş insan kimi yanaşırlar.
Qadın sağlamlığının keşiyində dayanmaq, anaların və körpələrin həyatını qorumaq son dərəcə məsuliyyətli missiyadır. Bu missiyanı şərəflə yerinə yetirən Samirə Tağıyeva öz peşəsinin ən gözəl nümunələrindən biridir. Onun fəaliyyəti təkcə tibbi xidmət deyil, həm də humanizm məktəbidir.
Bu gün cəmiyyətimizin belə həkimlərə ehtiyacı böyükdür. Çünki peşəkarlıqla yanaşı, mərhəmət və insan sevgisi də həkimlik sənətinin ayrılmaz hissəsidir. Samirə Tağıyeva bu keyfiyyətləri özündə yaşadan və fəaliyyətində nümayiş etdirən nümunəvi ziyalılardandır.
Əziz Samirə həkim!
Sizin minlərlə ailəyə bəxş etdiyiniz sevinc, insanlara qaytardığınız sağlamlıq, göstərdiyiniz diqqət və qayğı əsl insanlıq nümunəsidir. Hər bir uğurunuzun arxasında böyük zəhmət, peşə sevgisi və məsuliyyət dayanır.
Ruhunuz yorulmasın, çünki siz insanlara ümid bəxş edirsiniz.
Qəlbiniz yorulmasın, çünki o qəlbdə mərhəmət və insan sevgisi yaşayır.
Əlləriniz yorulmasın, çünki həmin əllər neçə-neçə körpənin ilk nəfəsinə, neçə-neçə ananın sevinc göz yaşlarına şahidlik edib.
Sizə möhkəm can sağlığı, yeni elmi nailiyyətlər, peşə fəaliyyətinizdə davamlı uğurlar və tükənməz enerji arzulayırıq. İnsanların sağlamlığı naminə göstərdiyiniz xidmətlər hər zaman yüksək qiymətləndirilir və dərin ehtiramla qarşılanır.
Ruhunuz, qəlbiniz, əlləriniz yorulmasın, dəyərli Dr. Samirə Tağıyeva! Sizin kimi həkimlər cəmiyyətimizin ən böyük sərvətlərindən biridir.
Taleyini gözəllik və sevinc bəxş etməyə həsr edən Samirə xanım, ürəyiniz və əlləriniz yorulmasın. Hələ çalınmamış qələbələr qarşıdadır.
Yolunuz açıq olsun!

Hürü Hacızadə
Yazıçı-publisist,
“Qızıl Qələm” mükafatçısı