Təhsil - Azərbaycan Respublikası Hüquqi Dövlətdir https://arhd.media/ Təhsil - Azərbaycan Respublikası Hüquqi Dövlətdir true https://arhd.media/tehsil/10871-rusiyada-thsil-alan-azrbaycanllarn-say-acqland.html arhd Təhsil Mon, 14 Sep 2026 14:28:40 +0400

Rusiyada təhsil alan azərbaycanlıların sayı - Açıqlandı

Hazırda Rusiyada 10 mindən çox azərbaycanlı təhsil alır.


“ARHD.MEDiA” xəbər verir ki, bu barədə Azərbaycanın Rusiyadakı səfiri Rəhman Mustafayevlə Rusiyanın elm və ali təhsil nazirinin müavini Konstantin Moqilevsk arasındakı görüşdə məlumat verilib.


2026/27-ci tədris ili üçün azərbaycanlı tələbələrə 280 kvota yeri ayrıldığı, 15 nəfərin isə “Open Doors” Beynəlxalq Olimpiadasının qalibi və mükafatçısı kimi qrant alacağı qeyd olunub.


Görüş zamanı həmçinin Azərbaycan-Rusiya birgə universitetinin yaradılması məsələsi də müzakirə olunub.

]]> true https://arhd.media/tehsil/10841-mktb-direktorlar-arzu-sasnda-i-glirlr.html arhd Təhsil Fri, 11 Sep 2026 13:26:59 +0400

“Məktəb direktorları arzu əsasında işə gəlirlər”

“Mənim şəxsi mülahizələrimə görə, məktəb direktorları arzu əsasında işə gəlirlər. Düşünürlər ki, “mən arzu edirəm ki, məktəb direktoru olum”.


“ARHD.MEDiA” xəbər verir ki, bunu elm və təhsil naziri Emin Əmrullayev bu gün keçirilən təhsil işçilərinin sentyabr konfransında çıxışı zamanı bildirib.


“Əslində isə müəllimdən metodist, metodistdən direktor müavini, müavindən direktor yetişməlidir. Biz bu ildən bu prosesə başlamışıq. Hazırda bizdə metodist sayı 500 civarındadır. Bu rəqəmə 3 ilə gəlib çatmışıq. Lakin bu say azdır. Bu rəqəm çox olmalıdır, 5-6 min metodistimiz olmalıdır.


Belə adamlar 1 neçə il işləyəndən sonra direktor olanda işlərimiz çox yaxşı gedəcək. İmtahanda çox bal toplamış müəllimi direktor seçmək doğru deyil”, - nazir əlavə edib.

]]> true https://arhd.media/tehsil/10598-imtahan-vermdn-aztu-da-ikinci-thsil-almaq-ans.html arhd Təhsil Mon, 24 Aug 2026 15:16:25 +0400

İmtahan vermədən AzTU-da ikinci təhsil almaq şansı

Azərbaycan Texniki Universitetində (AzTU) 2026/2027-ci tədris ilində təkrar ali təhsil almaq üçün əyani təhsil forması üzrə sənəd qəbulu davam edir.


“ARHD.MEDiA” xəbər verir ki, təkrar ali təhsilə qəbul beynəlxalq ticarət və logistika, biznesin idarə edilməsi, maliyyə, marketinq, menecment, statistika, kompüter elmləri, aerokosmik mühəndislik, cihaz mühəndisliyi, ekologiya mühəndisliyi, elektrik və elektronika mühəndisliyi, energetika mühəndisliyi, həyat fəaliyyətinin təhlükəsizliyi mühəndisliyi, informasiya təhlükəsizliyi, informasiya texnologiyaları, kimya mühəndisliyi, kompüter mühəndisliyi, logistika və nəqliyyat texnologiyaları mühəndisliyi, maşın mühəndisliyi, materiallar mühəndisliyi, mədən mühəndisliyi, metallurgiya mühəndisliyi, mexanika mühəndisliyi, mexatronika və robototexnika mühəndisliyi, nəqliyyat mühəndisliyi, proseslərin avtomatlaşdırılması mühəndisliyi, qida mühəndisliyi, radiotexnika və telekommunikasiya mühəndisliyi, sənaye mühəndisliyi, nəqliyyatda servis ixtisasları üzrə aparılır.


Ali təhsili olan hər kəs heç bir imtahan vermədən AzTU-da ikinci təhsil almaq imkanı əldə edə bilər. Belə ki, təkrar ali təhsil almaq üçün əvvəlki ali təhsili fərqli olan və ya hazırda işlədiyi vəzifəsi seçdiyi ixtisasa uyğun gələn şəxslər qəbul oluna bilərlər. Bu şərtlərin ödənilməsi təhsil müəssisəsində müsabiqə komissiyası tərəfindən müəyyən edilir.


1993-cü ildən sonra xarici ölkələrdə ali təhsil almış şəxslər yalnız diplomları mövcud qaydada Elm və Təhsil Nazirliyi tərəfindən tanındıqdan sonra universitetdə təkrar ali təhsil ala bilərlər.


Təkrar ali təhsildə dərslər saat 18:30-da başlayır. Sənəd qəbulu 31 avqust 2026-cı il tarixinədək elektron qaydada https://portal.edu.az/ vasitəsilə həyata keçirilir.


Əlavə suallar üçün (+994 10) 228 36 67 nömrəsi ilə əlaqə saxlaya bilərsiniz.

]]> true https://arhd.media/tehsil/10486-miq-uzr-umumi-vakansiya-secimi-mrhlsinin-nticlri-acqland.html arhd Təhsil Tue, 18 Aug 2026 19:22:29 +0400

MİQ üzrə ümumi vakansiya seçimi mərhələsinin nəticələri - Açıqlandı

12-15 avqust tarixlərində keçirilmiş müəllimlərin işə qəbulu üzrə müsabiqənin ümumi vakansiya seçimi mərhələsinin nəticələri namizədlərin şəxsi səhifələrinə göndərilib.


“ARHD.MEDiA” xəbər verir ki, bu barədə MÜTDA məlumat yayıb.


Bildirilib ki, vakansiya seçimi mərhələsində uğur qazanan namizədlər müsahibə mərhələsində iştirak hüququ əldə ediblər.


“Nəzərinizə çatdırırıq ki, uğur qazanmayan və ya vakansiya seçimində iştirak etməyən namizədlər müsabiqənin növbəti vakansiya seçim mərhələsində iştirak edə bilərlər.


Qeyd edək ki, müsahibə mərhələsi ilə bağlı məlumat əvvəlcədən namizədlərin şəxsi səhifələrinə göndəriləcəkdir”, - deyə məlumatda qeyd edilib.

]]> true https://arhd.media/tehsil/10470-bmu-da-cind-thsil-alacaq-37-tlb-il-goru-fotolar.html arhd Təhsil Mon, 17 Aug 2026 18:37:53 +0400

BMU-da Çində təhsil alacaq 37 tələbə ilə görüş - Fotolar

Bakı Mühəndislik Universitetində (BMU) Pekin Kimya Texnologiya Universiteti (PKTU) ilə birgə həyata keçirilən ikili diplom proqramı çərçivəsində bakalavriat təhsilinin III və IV kurslarını sentyabr ayından Çində davam etdirəcək 37 tələbə və onların valideynləri ilə görüş keçirilib.


“ARHD.MEDiA” xəbər verir ki, tədbirdə çıxış edən BMU-nun rektoru Yaqub Piriyev tələbələri təbrik edərək qarşıda onlar üçün mühüm akademik mərhələnin dayandığını bildirib. Rektor vurğulayıb ki, BMU-PKTU ikili diplom proqramı çərçivəsində tələbələrin növbəti iki il ərzində dünyanın ən inkişaf etmiş ölkələrindən biri olan Çində təhsil almaları onların beynəlxalq akademik mühitdə bilik və bacarıqlarını təkmilləşdirmələrinə, elmi və peşəkar dünyagörüşlərini genişləndirmələrinə mühüm imkan yaradır.


Yaqub Piriyev Azərbaycan və Çin arasında uğurla inkişaf edən əməkdaşlığın ali təhsil sahəsində yeni imkanlar açdığını, bu baxımdan BMU ilə PKTU arasında formalaşmış səmərəli əlaqələrin akademik əməkdaşlığın, tələbə və müəllim mübadiləsinin, birgə elmi-tədqiqat fəaliyyətlərinin inkişafına mühüm töhfə verdiyini bildirib. Rektor BMU-da gerçəkləşdirilən ikili diplom proqramlarının tələbələrin müasir əmək bazarının tələblərinə uyğun bilik, bacarıq və kompetensiyalar qazanmalarına xidmət etdiyini deyib. Həmçinin tələbələrin beynəlxalq akademik mühitdə Azərbaycanı və BMU-nu layiqincə təmsil etmələrinin, qazandıqları bilik və təcrübəni gələcəkdə peşəkar fəaliyyətlərində və ölkənin inkişafına töhfə verəcək şəkildə tətbiq etmələrinin əhəmiyyətini vurğulayıb.


Yaqub Piriyev tələbələrə Çində təhsil müddətində akademik fəaliyyətə ciddi və məsuliyyətli yanaşmağı, elmi-tədqiqat və şəxsi inkişaf imkanlarından maksimum yararlanmağı, qarşıya qoyulan akademik məqsədlərə ardıcıl və sistemli şəkildə nail olmağı tövsiyə edib.


Digər çıxışlarda BMU ilə PKTU arasında ikili diplom proqramının icrasına 2025-ci ildə başlanıldığı qeyd olunub. “Kimya mühəndisliyi”, “Kompüter mühəndisliyi”, “Mexanika mühəndisliyi”, “Kimya”, “Biotexnologiya” və “Biznesin idarə edilməsi” olmaqla 6 ixtisası əhatə edən proqram Azərbaycan və Çin ali təhsil müəssisələri arasında bakalavriat səviyyəsində həyata keçirilən ilk ikili diplom proqramıdır. 2+2 modeli əsasında reallaşdırılan proqram çərçivəsində BMU-da ilk iki ili uğurla başa vuran və müəyyən edilmiş müvafiq prosedurlardan keçən tələbələr təhsillərinin III və IV kurslarını PKTU-da davam etdirirlər. Proqramın tələblərini uğurla yerinə yetirən tələbələr hər iki universitetin bakalavr diplomunu əldə etmək imkanı qazanırlar.


Görüşdə hazırda PKTU-da təhsilini davam etdirən BMU tələbələri də çıxış edərək Çindəki təhsil təcrübələri, akademik mühit və tələbə həyatı ilə bağlı təəssüratlarını bölüşüblər.

]]> true https://arhd.media/tehsil/9851-txir-salnan-qabiliyyt-imtahannn-kecirilcyi-tarix-acqland.html arhd Təhsil Sun, 28 Jun 2026 13:47:06 +0400

Təxirə salınan qabiliyyət imtahanının keçiriləcəyi tarix - Açıqlandı

İdman istiqamətinin 62-ci (ümumi fiziki hazırlıq, adaptiv bədən tərbiyəsi və kütləvi sağlamlaşdırıcı idman) komissiyası üzrə 27 iyun 2026-cı il tarixində Tofiq Bəhramov adına Respublika Stadionunda açıq havada keçirilməsi planlaşdırılan ümumi fiziki hazırlıq imtahanı əlverişsiz hava şəraiti ilə əlaqədar olaraq təxirə salınıb.


Dövlət İmtahan Mərkəzindən “ARHD.MEDiA”ya verilən məlumata görə, həmin imtahan 7 iyul tarixində Azərbaycan İdman Akademiyasında keçiriləcəkdir.Abituriyentlər imtahana buraxılış vərəqəsini buradan çap edə bilərlər.


Abituriyentlər (subbakalavrlar) imtahana gələrkən şəxsiyyətini təsdiq edən sənədin əslini və qabiliyyət imtahanına buraxılış vərəqəsini mütləq gətirməlidirlər. İdman istiqaməti üzrə imtahana gələrkən abituriyentlər (subbakalavrlar) idman paltarı və sağlamlıq haqqında tibbi arayış (U086 - peşəyə yararlığı haqqında həkim rəyi hissəsində “yararlıdır” və ya “sağlamdır” qeydi olmalıdır) gətirməlidir.


Qabiliyyət imtahanlarının qrafiki haqqında məlumatla buradan tanış ola bilərsiniz.


Qeyd: Qrafik mütəmadi olaraq yenilənir və digər imtahanların tarixləri də bəlli olduqca cədvələ əlavə ediləcək.

]]> true https://arhd.media/gundem/9814-lvida-baca-salam-mktb-adl-tdbir-kecirilib.html redaktor Gündəm, Təhsil Thu, 25 Jun 2026 16:18:33 +0400

“Əlvida bağça – Salam məktəb” adlı tədbir keçirilib

Uşaqlıq illərinin ən gözəl və qayğısız günlərinin yaşandığı bağça həyatı hər bir körpənin həyatında xüsusi yer tutur. Bu gün isə balaca fidanlarımız üçün yeni bir mərhələnin başlanğıcı, böyük məktəb yoluna atılan ilk addımların sevinc və həyəcanla qeyd olunduğu əlamətdar gündür. Məhz bu münasibətlə Mərkəzi Aran Regional Təhsil İdarəsinin Ucar Rayon Təhsil Sektorunun tabeliyində fəaliyyət göstərən Ucar şəhər 4 nömrəli Körpələr Evi–Uşaq Bağçasında “Əlvida bağça – Salam məktəb” adlı yaddaqalan tədbir keçirilib.
Tədbirdə balacalar öz bilik və bacarıqlarını nümayiş etdirərək oxuduqları mahnılar, ifa etdikləri rəqslər və təqdim etdikləri səhnəciklərlə qonaqlara xoş anlar yaşadıblar. Bir zamanlar bağçaya ilk addımlarını atan fidanlarımız məktəb həyatına yola düşməyin sevincini və həyəcanını yaşayaraq hər kəsə duyğulu və unudulmaz anlar bəxş ediblər.
“Əlvida bağça – Salam məktəb” kompozisiyası ilə çıxış edən balacalar məktəbə hazır olduqlarını nümayiş etdiriblər.
Uşaqların çıxışından sonra Ucar Rayon Təhsil Sektorunun müdiri İsmayıl Məhəmmədov və digər qonaqlar bu il bağçadan məzun olan uşaqları təbrik edərək onlara gələcək həyatlarında uğurlar arzulayıblar.

4 nömrəli Körpələr Evi–Uşaq Bağçasının müdiri Aysel Əliyeva çıxış edərək bildirib:

“Birlikdə güldük, öyrəndik, böyüdük. Bu gün isə xatirələrimizi ürəyimizdə daşıyaraq yeni bir yola çıxırıq. Həyatınızda bir səhifə bağlanır, sabah isə yeni bir səhifə açılır. Əziz balalarımız, yolunuz açıq olsun!”
Tədbir çərçivəsində bu il bağçanı bitirən hər bir uşağa bağça müdiri Aysel Əliyeva tərəfindən sertifikat və hədiyyələr təqdim olunub. Sertifikatlar və hədiyyələr Ucar Rayon Təhsil Sektorunun müdiri İsmayıl Məhəmmədov tərəfindən uşaqlara təqdim edilib.
Həmçinin tədbirin təşkilində əməyi keçən bir qrup müəllimə, tərbiyəçi və musiqi rəhbərinə təşəkkürnamələr və hədiyyələr təqdim olunub.
Sonda xatirə şəkilləri çəkdirilib. Körpələrin sevinc dolu təbəssümləri, valideynlərin qürur hissi və müəllimlərin xoş arzuları ilə yadda qalan tədbir yüksək əhval-ruhiyyədə başa çatıb. Arzu edirik ki, bu gün bağça ilə vidalaşan bütün balalarımız məktəb həyatında da uğurlu addımlar atsın, Vətənimizə layiqli vətəndaş kimi yetişsinlər.

]]> true https://arhd.media/tehsil/9768-bu-kollec-rhbr-tyinatlar-oldu-foto.html arhd Təhsil Mon, 22 Jun 2026 11:47:12 +0400

Bu kollecə rəhbər təyinatları oldu - Foto

Ağcabədi Pedaqoji Kollecinin rəhbər heyətinə yeni təyinatlar həyata keçirilib.


“ARHD.MEDiA” xəbər verir ki, Elm və Ali Təhsil üzrə Dövlət Agentliyinin müvafiq Əmri ilə Əhəd Məmmədov Ağcabədi Pedaqoji Kollecinin direktoru, Cəlal Bayramov isə tədris işləri üzrə direktor müavini vəzifəsinə təyin olunub.


Ə.Məmmədov 2025-ci ildən Ağcabədi Pedaqoji Kollecində tədris işləri üzrə direktor müavini vəzifəsində çalışıb, 2026-cı ilin fevral ayından son təyinatadək isə kollecin direktoru vəzifəsini müvəqqəti icra edib.


C.Bayramov 2022-ci ildən etibarən Şəki rayon İbrahimkənd kənd tam orta məktəbinin direktoru vəzifəsində fəaliyyət göstərib. O, “Füzulinin azad olunmasına görə”, “Xocavəndin azad olunmasına görə” və “Vətən müharibəsi iştirakçısı” medalları ilə də təltif edilib.

]]> true https://arhd.media/gundem/9679-bak-hri-14-nomrli-umumthsil-tam-orta-mktbd-son-zng-tdbiri-kecirildi.html redaktor Gündəm, Təhsil Sun, 14 Jun 2026 15:28:00 +0400

bakı şəhəri 14 nömrəli ümumtəhsil tam orta məktəbdə “son zəng” tədbiri keçirildi

13 iyun 2026-cı il tarixində bakı şəhəri 14 nömrəli ümumtəhsil tam orta məktəbdə məzunlar üçün ən yaddaqalan günlərdən biri olan “son zəng” tədbiri təntənəli şəkildə keçirilib. tədbirdə məktəbin rəhbərliyi, müəllim kollektivi, şagirdlər, valideynlər və ictimaiyyət nümayəndələri iştirak ediblər.
tədbir azərbaycan respublikasının dövlət himninin səsləndirilməsi ilə başlanıb. daha sonra vətənimizin azadlığı və ərazi bütövlüyü uğrunda canlarını fəda etmiş qəhrəman şəhidlərimizin əziz xatirəsi bir dəqiqəlik sükutla yad olunub. mərasim iştirakçıları şəhidlərimizin göstərdikləri misilsiz qəhrəmanlığın heç zaman unudulmayacağını vurğulayıblar.
rəsmi hissədə çıxış edən məktəb rəhbərliyi məzunları həyatlarının yeni mərhələsinə qədəm qoymaları münasibətilə təbrik edib, onlara gələcək təhsil və peşə fəaliyyətlərində uğurlar arzulayıb. çıxışlarda qeyd olunub ki, məktəb illəri insan həyatının ən dəyərli və unudulmaz dövrüdür. bu illər ərzində əldə olunan biliklər, formalaşan dostluq münasibətləri və qazanılan həyat təcrübəsi gələcək uğurların möhkəm təməlini təşkil edir.
müəllimlər də öz növbəsində məzunlara xoş arzularını çatdırıblar. onlar şagirdlərin qazandıqları nailiyyətlərdən qürur duyduqlarını bildirərək, hər bir məzunun cəmiyyətə faydalı və layiqli vətəndaş kimi yetişəcəyinə inandıqlarını ifadə ediblər. müəllimlər məzunlara daim öz üzərlərində çalışmağı, elmə və biliyə böyük önəm verməyi tövsiyə ediblər.
valideynlər üçün də bu gün xüsusi əhəmiyyət daşıyıb. onlar övladlarının məktəb həyatının başa çatması münasibətilə duyğularını bölüşərək müəllimlərə və məktəb rəhbərliyinə göstərdikləri zəhmətə görə təşəkkürlərini bildiriblər. valideynlər qeyd ediblər ki, məktəb təkcə təhsil verən müəssisə deyil, həm də şəxsiyyət formalaşdıran mühüm bir ocaqdır.
məzunlar isə məktəb illərində qazandıqları xoş xatirələri yada salaraq müəllimlərinə minnətdarlıqlarını ifadə ediblər. onlar əldə etdikləri bilik və bacarıqların gələcək həyatlarında mühüm rol oynayacağını vurğulayıblar. bir çox məzunlar məktəb həyatının onların həyatında silinməz izlər buraxdığını, müəllimlərin isə hər zaman onların yaddaşında xüsusi yer tutacağını bildiriblər.
tədbirin bədii hissəsi iştirakçılar tərəfindən böyük maraqla qarşılanıb. şagirdlərin hazırladıqları musiqili nömrələr, şeirlər, rəqs kompozisiyaları və səhnəciklər tədbirə xüsusi rəng qatıb. məzunların məktəb həyatını əks etdirən çıxışları kövrək və duyğulu anlar yaşadıb.
sonda ənənəvi “son zəng” səsləndirilib. bu zəng məktəb illərinin başa çatmasını, eyni zamanda gənclərin yeni həyat mərhələsinə qədəm qoymasını simvolizə edib. məzunlar müəllimləri və valideynləri ilə xatirə şəkilləri çəkdirərək bu əlamətdar günü yaddaşlarına həkk ediblər.
bakı şəhəri 14 nömrəli ümumtəhsil tam orta məktəbində keçirilən “son zəng” tədbiri yüksək əhval-ruhiyyə, qürur və kövrək duyğular içərisində başa çatıb. məzunlara gələcək həyatlarında uğurlar, yeni nailiyyətlər və parlaq gələcək arzulayırıq.
p.s. bakı şəhəri 14 nömrəli ümumtəhsil tam orta məktəbin direktoru hörmətli rəfail hüseynov təhsil sahəsində peşəkarlığı, yüksək təşkilatçılıq bacarığı və məktəbin inkişafına verdiyi töhfələrlə seçilir. o, şagirdlərin keyfiyyətli təhsil almasına xüsusi diqqət yetirir, müəllim kollektivi və valideynlər arasında böyük hörmət qazanıb.


fərid faiqoğlu səfərov
xezertv.info-nun rhbəri,
ajb-nin üzvü, “qızıl qələm” mükafatçısı

]]> true https://arhd.media/tehsil/9170-bir-gun-100-min-yaxn-uaq-mktb-qbul-olub.html arhd Təhsil Thu, 07 May 2026 13:20:30 +0400

bir günə 100 minə yaxın uşaq məktəbə qəbul olub

“100 minə yaxın uşaq artıq məktəb seçimini edib”.


“arhd.media” xəbər verir ki, bunu mütda-nın direktoru eşqi bağırov jurnalistlərə açıqlamasında deyib.


o bildirib ki, bir gün ərzində yüz minə yaxın uşaq məktəb və müəllim seçərək siniflərə yerləşdirilib: “məktəbə qəbul prosesi çərçivəsində qısa müddətdə böyük sayda valideyn seçim edib və uşaqlar artıq siniflərə yerləşdirilib. bu proses imtahansız, müsabiqəsiz və müsahibəsiz həyata keçirilir. bir gün keçib, artıq yüz minə yaxın uşaq məktəb, müəllim seçimini edib və sinifdədir”.


onun sözlərinə görə, qəbul prosesinin elektron şəkildə təşkili valideynlərin seçim imkanlarını daha da genişləndirir.

]]>