Ukrayna ordusu bu gecə dronlarla Rusiyanın onlayn ticarət sahəsinin məşhur “Ozon” şirkətinin Adıgeysk, Mahaçqala, Nevinnomıssk və Krasnodar şəhərlərində yerləşən anbarlarına hücum edib.

“ARHD.MEDiA” Rusiya mediasına istinadən xəbər verir ki, hadisə nəticəsində Mahaçqaladakı logistika mərkəzində yanğın baş verib, bir neçə işçi xəsarət alıb.

Krasnodar, Adıgeysk və Nevinnomısskda isə yaralanan olmayıb, obyektə və məhsullara ciddi zərər dəyməyib. 

Hadisə ilə bağlı məlumat yayan şirkət sifarişlərin bir hissəsinin çatdırılmasının təxirə salınacağını bildirib.