Çinin "CAS Space" şirkəti doqquz peyki uğurla orbitə çıxarıb.


“ARHD.MEDiA” bildirir ki, bu barədə şirkət "WeChat" sosial şəbəkəsindəki səhifəsində məlumat verib.


Buraxılış Szyutsyuan kosmodromunun (Şimali Çin) "Dunfen" kommersiya meydançasından Pekin vaxtı ilə saat 12:03-də (Bakı vaxtı ilə saat 08:03-də) "Kinetica-1" daşıyıcı raketi vasitəsilə həyata keçirilib.


Məlumata görə, bu dəfə "Tsinlin-01" və "Tsinlin-02" məsafədən zondlama peykləri (optik aparatlar), "Pençen şoufa" (peyk rabitəsi və telekommunikasiya inteqrasiyası texnologiyalarının yoxlanılması üçün), "Çaoçjisuan-1" (yüksək dəqiqliyə və orbitdə məlumatların emalı imkanına malik), həmçinin elektromaqnit spektrinin monitorinqi üçün üç "Ditin-01", "Putszyan-4" və "Yunsyao tanluçje" peyki orbitə buraxılıb. Onların hamısı təyin olunmuş orbitlərə uğurla daxil olub.


"Kinetica-1" qoruyucu örtüyünün diametri 3,35 metr olan dördpilləli bərk yanacaqlı raketdir. Onun uzunluğu 31 metrə çatır və aşağı Yerətrafı orbitə 2 tonadək (Günəş-sinxron orbitə isə 1,5 tonadək) faydalı yük çatdıra bilir. Bu, raketin 16-cı, 2026-cı ildə isə beşinci missiyasıdır.

Baxış sayı: 3 997

Mətndə səhv var?

Siçan ilə problemli fraqmenti seçin və CTRL+ENTER düymələrini basın.
Görünən pəncərədə problemi təsvir edin və resurs Administrasiyasına göndərin.

Rəhbər: Beynəlxalq Hüquq Eksperti,
Hüquq üzrə Fəlsəfə doktoru
İsmayıl Zalov

Baş redaktor: Nuranə Axundova

Qaynar xətt: (+99455) 850 36 00

infoagency@arhd.az

Məzənnə