istanbul böyükşəhər bələdiyyəsinin (ibb) sədri əkrəm imamoğlunun həbsi ilə bağlı ölkədə keçirilən qanunsuz aksiyalarda 343 şəxs saxlanılıb.

"arhd.media" "haber global"a istinadən xəbər verir ki, bu barədə türkiyənin daxili işlər naziri ali yerlikaya bildirib.

nazir deyib ki, dünən gecə istanbul, ankara, izmir, adana, antalya, çanaqqala, əskişəhər, konya və ədirnədə baş verən etiraz aksiyalarında iştirak edən 343 şübhəli tutulub:

"ictimai asayişi pozmağa çalışan, millətimizin əmin-amanlığını və təhlükəsizliyini təhdid edən, xaos və təxribat axtaranlara heç vaxt imkan verilməyəcək".

qeyd edək ki, istanbul böyük bələdiyyə sədri əkrəm imamoğlu və daha 105 nəfər saxlanılıb. onlar bir çox maliyyə cinayətlərində təqsirləndirilirlər.