paris, 28 mart, arhd.media
fransanın dövlət borcu 3 305,3 milyard avroya çatıb
fransanın dövlət borcu 3,305,3 milyard avroya çatıb, büdcə kəsiri 2024-cü ildə üdm-in 5,8%-ni təşkil edib.
arhd.media xəbər verir ki, bu haqda statistika və iqtisadi tədqiqatlar milli institutu (insee) məlumat yayıb. insee bildirir ki, 2024-cü ildə büdcə kəsirinin üdm-in 5,8 %-ni təşkil etməsi avropanın tələbi olan 3%-dən çox yüksəkdir. dövlət borcu isə 3 305,3 milyard avroya və ya üdm-in 113%-nə yüksəlib.
qeyd edilir ki, baş nazir fransua bayrunun əsas milli düşmən kimi təsvir etdiyi dövlət borcunun yaxın illərdə, əlavə xərclər tələb edən yenidən silahlanma ilə artacağı proqnozlaşdırılır.
insee-nin məlumatına görə, dövlət borcu 2023-cü ilin sonundakı 109,8%-dən (və ya 3 102,5 milyard avro) 2024-cü ilin sonunda üdm-in 113%-nə (və ya 3 305,3 milyard avro) yüksəlib. bu böhran və ya müharibə dövrləri xaricində rekord səviyyədir.
hökumət 2029-cu ildə avropa ittifaqı həddi olan 3%-dən aşağı səviyyəyə çatmazdan əvvəl 2025-ci ildə kəsiri üdm-in 5,4%-nə endirməyi planlaşdırır. avropa ittifaqı daxilində yalnız yunanıstan və italiyanın dövlət borcu fransadan daha yüksəkdir, fransa isə büdcə kəsiri baxımından ən pis göstəriciyə malikdir.
