milan. arhd.media:

israil asiya inkişaf bankı (aib) ilə güclü tərəfdaşlığın inkişafını səbirsizliklə gözləyir.

arhd.media-in milana ezam olunmuş xüsusi müxbirinin verdiyi məlumata görə, aib-in israil üzrə idarəçisi şmuel abramson bank rəhbərlərinin biznes sessiyasında çıxışı zamanı deyib.

"bu, bizim üçün əlamətdar hadisədir. israil asiya və sakit okean regionunda davamlı və inklüziv inkişafı təmin etmək üçün birlikdə çalışan ölkələr icmasına qoşulmaqdan şərəf duyur. biz bankın mütərəqqi rəqəmsal gündəliyi formalaşdırmaq səylərini yüksək qiymətləndiririk və bu prosesin bir hissəsi olmaqdan məmnunuq", - o bildirib.

abramson vurğulayıb ki, israil rəqəmsal innovasiya və texnologiyanın dəyişdirici gücünü birinci əldən görüb.

"inkişaf edən startap ekosistemindən kibertəhlükəsizlik, fintex və rəqəmsal sağlamlıq sahələrində irəliləyişlərə qədər biz bilirik ki, innovasiya təkcə böyümə mənbəyi deyil, həm də davamlılıq, rəqabət qabiliyyəti və imkanların əsasıdır. inanırıq ki, aib öz üzvlərinin biliklərini dərinləşdirməyə davam edərək, öz üzv ölkələri üçün rəqəmsallaşma potensialını açmaq üçün unikal mövqeyə malikdir.

rəqəmsal komponentlərin infrastrukturdan tutmuş təhsilə və maliyyəyə qədər olan layihələrə bölüşdürülməsi və inteqrasiyası yaxşı həyata keçirildikdə, rəqəmsallaşma inkişaf etməkdə olan ölkələrə inkişafın ənənəvi mərhələlərini sıçramağa kömək edə bilər”.

o əlavə edib ki, israil təcrübə, istedad və texnologiya təklif edərək bu mühüm işə töhfə verməyə hazırdır.

"biz aib ilə güclü tərəfdaşlıq qurmağı və bunun vasitəsilə bütün regionda hökumətlər və özəl sektorla əməkdaşlığı dərinləşdirməyi səbirsizliklə gözləyirik", - abramson vurğulayıb.