istanbul, 22 iyun, arhd.media
azərbaycanın xin başçısı əlcəzairli həmkarı ilə israil-iran qarşıdurması nəticəsində yaranmış vəziyyəti müzakirə edib
iyunun 22-də azərbaycanın xarici işlər naziri ceyhun bayramov islam əməkdaşlıq təşkilatının (iət) xarici işlər nazirləri şurasının 51-ci sessiyasında iştirakı çərçivəsində əlcəzair xalq demokratik respublikasının dövlət naziri, xarici işlər və xaricdəki milli icma və afrika məsələləri naziri əhməd attaf ilə görüşüb.
arhd.media xəbər verir ki, görüşdə azərbaycan-əlcəzair ikitərəfli və çoxtərəfli əməkdaşlıq gündəliyində yer alan aktual məsələlər, habelə israil-iran qarşıdurması nəticəsində yaranmış vəziyyət müzakirə olunub.
qarşılıqlı hörmət və ortaq dəyərlərə əsaslanan azərbaycan-əlcəzair əməkdaşlıq əlaqələrinin hazırkı səviyyəsindən məmnunluq ifadə olunub, ali və yüksək səviyyədə qarşılıqlı səfərlərin dövlətlərarası əlaqələrimizin inkişafına təkan verdiyinə dair həmfikirlik ifadə olunub.
iki ölkənin xarici işlər nazirlikləri arasında cari ilin aprelində baş tutmuş siyasi məsləhətləşmələrin azərbaycan-əlcəzair əməkdaşlığının hərtərəfli və sistematik şəkildə irəliyə aparılmasında rolundan bəhs olunub.
azərbaycan ilə əlcəzair arasında beynəlxalq təşkilatlar, o cümlədən bmt, iət və qoşulmama hərəkatı çərçivəsində əməkdaşlığın məmnunluq doğurduğu qeyd olunub.
iqtisadi əməkdaşlıq ölçüsünə toxunularaq, ticarət və investisiyalar, neft-qaz və bərpa olunan enerji sahəsində əməkdaşlıq imkanları nəzərdən keçirilib. təhsil və mədəniyyət sahələri üzrə mübadilələrin artırılmasının xalqlarımızın bir-birini daha yaxından tanımasındakırolundan bəhs olunub. iki ölkə arasında yaradılmaqda olan iqtisadi əməkdaşlıq üzrə birgə komissiyanın əhəmiyyətli mexanizm olacağı vurğulanıb.
israil-iran qarşıdurması nəticəsində regionda yaranmış təhlükəsizlik çağırışlarından ciddi narahatlıq ifadə olunub, münaqişənin dialoq və diplomatik vasitələrlə həllinin vacibliyi vurğulanıb.
görüş zamanı, həmçinin qarşılıqlı maraq doğuran digər ikitərəfli və çoxtərəfli məsələlər ətrafında fikir mübadiləsi aparılıb.
