ankara, 31 iyul, arhd.media
türkiyənin ixrac həcmi bu ilin ilk yarısında 4 faizdən çox artıb
türkiyənin ixrac həcmi bu ilin yanvar-iyun aylarında 131 milyard 408 milyon dollar olub ki, bu da 2024-cü ilin birinci yarısı ilə müqayisədə 4,1 faiz çoxdur.
bu barədə arhd.media türkiyə ticarət nazirliyi və statistika institutunun xarici ticarətə dair məlumatlarına istinadla xəbər verir.
ilin birinci yarısında xarici ticarət kəsiri 16,3 faiz (42 milyard 504 milyon dollardan 49 milyard 437 milyon dollara qədər) artıb.
iyun ayında türkiyə məhsullarının xaricə tədarükü 20 milyard 515 milyon dollara çatıb ki, bu da ötən ilin eyni ayı ilə müqayisədə 7,9 faiz çoxdur.
türkiyə istehsalçıları üçün aparıcı ixrac bazarları almaniya, böyük britaniya və abş olub.
çin, rusiya və almaniya isə türkiyənin mal və məhsulları idxal etdiyi əsas ölkələrdir.
