“hərbi hücum olacağı halda, tehran bmt nizamnaməsinin 51-ci maddəsinə uyğun olaraq özünümüdafiə hüququndan istifadə edəcək”.

“arhd.media” xəbər verir ki, bunu iranın birləşmiş millətlər təşkilatı (bmt) yanında daimi nümayəndəsi əmir səid irəvani bmt-nin baş katibi antonio quterreş və bmt təhlükəsizlik şurasının prezidentinə ünvanladığı məktubda bildirib.

o, abş-nin güc tətbiqi ilə bağlı bəyanatlarını beynəlxalq hüququn pozuntusu kimi qiymətləndirib.

irəvaninin sözlərinə görə, bu cür açıqlamalar regionu yeni böhran və qeyri-sabitlik riski ilə üz-üzə qoyur.

iranlı diplomat abş prezidenti donald trampın açıqlamalarının “real təcavüz riskləri” ehtiva etdiyini bildirərək, bunun region üçün fəlakətli nəticələr doğura və beynəlxalq sülh və təhlükəsizliyə ciddi təhdid yarada biləcəyini vurğulayıb.

irəvani məktubda iranın bmt prinsiplərinə və diplomatik həll yollarına sadiq qaldığını qeyd edib. o bildirib ki, tehran vaşinqtonla nüvə danışıqlarını ciddi, vicdanlı və konstruktiv şəkildə aparır və qarşı tərəf də eyni yanaşmanı sərgiləyərsə, davamlı və balanslı razılaşma mümkündür.

diplomat təhlükəsizlik şurasının üzvlərini və baş katibi qanunsuz güc tətbiqi təhdidlərini dayandırmağa, bmt nizamnaməsi çərçivəsində öhdəliklərə əməl etməyə və gərginliyi artıra biləcək addımlardan çəkinməyə çağırıb:

“təhlükəsizlik şurası güc tətbiqi təhdidlərinin normallaşdırılmasına və qanuniləşdirilməsinə icazə verməməlidir. bu cür davranışlara qarşı tədbir görülməzsə, digər suveren dövlətlər də oxşar risklərlə üzləşə bilər.

hərbi hücum baş verərsə, iran bmt nizamnaməsinin 51-ci maddəsinə əsasən qətiyyətli və mütənasib şəkildə cavab verəcək”.

bu halda bölgədəki “düşmən bazaları, obyektləri və aktivləri”nin qanuni hədəf sayılacağını bildirən irəvani mümkün nəticələrə görə abş-nin tam məsuliyyət daşıyacağını qeyd edib.