“abş ordusu iranla razılaşma əldə olunana qədər bölgədə qalacaq”.

“arhd.media” xəbər verir ki, bunu abş prezidenti donald tramp “truth” sosial şəbəkəsində yazıb.

o bildirib ki, iranla tam razılaşma əldə olunana qədər abş hərbi qüvvələri bölgədə qalmağa davam edəcək.

trampın sözlərinə görə, abş-yə məxsus gəmilər, təyyarələr, silahlar və hərbi personal hazırda iran ərazisi və ətrafında yerləşdirilib və yekun razılaşma əldə edilənədək mövqelərini qoruyacaqlar.

o, həmçinin xəbərdarlıq edib ki, əgər razılaşma baş tutmasa, vəziyyət daha da gərginləşə bilər:

“əgər hər hansı səbəbdən bu baş verməsə - ki, bu, çox ehtimal olunmur - onda daha böyük və daha güclü qarşıdurma başlayacaq”.

tramp əlavə edib ki, iranın nüvə silahına malik olmayacağını və hörmüz boğazının açıq və təhlükəsiz qalacağını gözləyir.

prezident paylaşımında abş ordusunun hazır vəziyyətdə olduğunu vurğulayaraq, ölkəsinin hərbi gücünün “növbəti addımı gözlədiyini” bildirib.

qeyd edək ki, abş və iran arasında növbəti danışıqların islamabad şəhərində keçirilməsi planlaşdırılır.