Silahlı qruplar Mərkəzi Afrikanın Sudanla sərhəddə yerləşən Am Dafok şəhərini ələ keçirib.
“ARHD.MEDiA” “Arab News”a istinadən xəbər verir ki, hücum nəticəsində azı 28 nəfər ölüb, onlarla yaralı var.
Təhlükəsizlik rəsmilərinin bildirdiyinə görə, silahlılar şəhərə qəfil hücum edərək hökumət qüvvələrini geri çəkilməyə məcbur ediblər. Hücum zamanı yaşayış məntəqəsində güclü atışmalar baş verib və çoxsaylı bina zərər görüb.
Ölənlər arasında mülki şəxslərin də olduğu bildirilir.
Hadisədən sonra çox sayda sakin təhlükəsizlik məqsədilə ərazini tərk edərək qonşu yaşayış məntəqələrinə və Sudan sərhədi istiqamətinə üz tutub. Rəsmilər bölgədə vəziyyətin gərgin olaraq qaldığını və əlavə təhlükəsizlik qüvvələrinin göndərildiyini bildiriblər.
