bakı, 2 iyul, arhd.media

ersin tatar: türk dövlətləri sülh və müstəqilliyi qorumaq üçün birgə işlər görməlidir

dünyada müxtəlif münaqişələr davam edərkən şimali kipr və azərbaycan birlikdə addımlar atmalıdır.

arhd.media xəbər verir ki, bunu şimali kipr türk cümhuriyyətinin prezidenti ersin tatar azərbaycan texniki universitetində (aztu) fəxri doktor diplomunun təqdimat mərasimi çərçivəsində jurnalistlərə açıqlamasında deyib. o bildirib ki, türk dövlətləri bir olmalı, həmçinin sülh və müstəqilliyi qorumaq üçün birgə işlər görməlidirlər.

şimali kipr türk cümhuriyyətinin prezidenti sabah iqtisadi əməkdaşlıq təşkilatına (eco) üzv ölkələrin xankəndidə keçiriləcək 17-ci zirvə görüşünə qatılacağını bildirərək deyib: “zirvə görüşündə bu təşkilata üzv ölkələr ilə başda turizm, ali təhsil və ticarətin inkişafı olmaqla, müxtəlif istiqamətlərdə əlaqələr quracağıq”.