mayın 26-da azərbaycan prezidenti ilham əliyevlə iran prezidenti məsud pezeşkian arasında telefon danışığı olub.
“arhd.media” xəbər verir ki, bu barədə prezidentin mətbuat xidməti məlumat yayıb.
dövlət başçıları müqəddəs qurban bayramı münasibətilə bir-birlərinə təbriklərini çatdırıb, azərbaycan və iran xalqlarına firavanlıq və ruzi-bərəkət arzulayıblar.
iran islam respublikasının prezidenti ölkəsinin üzləşdiyi ağır günlərdə azərbaycanın göstərdiyi humanitar yardımlara görə bir daha təşəkkürünü bildirib.
prezident ilham əliyev öz növbəsində qeyd edib ki, azərbaycan və iran yaxşı günlərdə də, ağır günlərdə də hər zaman bir-birinin yanındadır.
telefon söhbəti zamanı ikitərəfli əlaqələrin inkişafı və perspektivləri barədə fikir mübadiləsi aparılıb.
