bakı, 5 mart, arhd.media
azərbaycan və türkiyənin energetika nazirləri iqdırda görüşüb
bu gün iqdır-naxçıvan qaz kəmərinin açılış mərasimində iştirak etmək üçün azərbaycan energetika naziri pərviz şahbazov türkiyəyə səfər edib.
arhd.media türkiyə mətbuatına istinadla xəbər verir ki, pərviz şahbazov qardaş ölkənin enerji və təbii sərvətlər naziri alparslan bayraktar ilə iqdır şəhərində görüşüb.
görüşdə qarşılıqlı əməkdaşlıq əlaqələrinin perspektivləri müzakirə edilib.
nəzərə çatdıraq ki, 2023-cü ilin sentyabrında iqdır-naxçıvan qaz kəmərinin təməli prezident rəcəb tayyib ərdoğan və prezident ilham əliyev tərəfindən qoyulub.
bu gün hər iki dost və qardaş ölkənin prezidentləri tərəfindən boru kəmərinin istismara verilməsi mərasimi keçiriləcək.
