bakı, 31 yanvar, arhd.media
bmt-nin iqlim dəyişmələri üzrə çərçivə konvensiyasının tərəflər konfransının bakıdakı 29-cu sessiyasında (cop29) elan edilmiş “fermerlər üçün bakı harmoniya iqlim təşəbbüsünün nəticələri” braziliyada cop30-da təqdim ediləcək.
arhd.media xəbər verir ki, bu barədə kənd təsərrüfatı nazirliyi yanında aqrar kredit və inkişaf agentliyinin sədr müavini leyla cabbarlı bmt və azərbaycan arasında dayanıqlı inkişaf üzrə əməkdaşlığa dair çərçivə sənədi (2026-2030-cu illər) üzrə “yüksək səviyyəli strateji prioritetləşdirmə” tədbirində bildirib.
“cop29-da “fermerlər üçün bakı harmoniya iqlim təşəbbüsünün işə salınması: fermerlərin iqlim dəyişikliyinə qarşı dayanıqlığının artırılması üçün imkanların genişləndirilməsi” rəsmən elan edilib. bu, çox uğurlu təşəbbüsdür. indi harmoniyanın məqsədlərinə nail olmaq üçün bütün tədbirləri həyata keçirməyə çalışırıq”, - deyə l.cabbarova qeyd edib.
