bakı, 7 fevral, arhd.media
ötən il naxçıvanda 4,3 milyon manat güzəştli kredit verilib
2024-cü il ərzində naxçıvan muxtar respublikasında fəaliyyət göstərən sahibkarlar 45 layihə üzrə sahibkarlığın inkişafı fondunun (sif) güzəştli kreditlərindən yararlanıblar.
sif-dən arhd.media -a bildirilib ki, sahibkarların layihələrinin maliyyələşdirilməsinə sif tərəfindən ümumilikdə 4,3 milyon manat güzəştli kredit ayrılıb.
kreditdən yararlanmış sahibkarlıq subyektləri muxtar respublika ərazisində sənaye, turizm, kənd təsərrüfatı, akvakultura, ictimai iaşə kimi iqtisadiyyatın müxtəlif sahələri üzrə fəaliyyət göstərirlər. layihələrin icrası nəticəsində 148 yeni iş yerinin yaradılması nəzərdə tutulub.
qeyd edək ki, 2023-cü ilin fevral ayından etibarən iqtisadiyyat nazirliyinin sahibkarlığın inkişafı fondunun güzəştli kredit mexanizmi naxçıvanda fəaliyyət göstərən sahibkarlıq subyektlərini də əhatə edir.
