bakı, 15 mart, arhd.media

bakıda növbəti ağacəkmə aksiyası və iməcilik keçirilib

“konstitusiya və suverenlik ili” çərçivəsində bakı şəhərində yaşıllıq zolaqlarının artırılması, ekoloji tarazlığın bərpası və ətraf mühitin mühafizəsi istiqamətində işlər davam etdirilir. ənənəvi olaraq novruz bayramı ərəfəsində martın 15-də bakı şəhər icra hakimiyyəti və “regional inkişaf” ictimai birliyinin birgə təşkilatçılığı ilə paytaxtın nərimanov rayonu ərazisində ağacəkmə aksiyası keçirilib.

arhd.media xəbər verir ki, aksiya çərçivəsində icra qurumlarının əməkdaşları və ictimai birliyin könüllüləri tərəfindən iqlim şəraitinə uyğun ağac və kol bitkiləri əkilib.

eyni zamanda, gün ərzində paytaxtın kommunal xidmətləri tərəfindən xalqımızın ən əziz bayramlarından olan novruz bayramı ərəfəsində şəhərdə təmizliklə bağlı daxili iməcilik keçirilib. xidmətin xüsusi təyinatlı texnikası və əməkdaşları tərəfindən prospekt və küçələrin, səki kənarlarının, bordürlərin və işıq dirəklərinin, yol kənarındakı məhəccərlərin, park və istirahət yerlərində oturacaqların yuyulması həyata keçirilib, bşih-in müraciətinə qoşulan özəl sektor nümayəndələri tərəfindən ticarət və digər obyektlərin vitrinləri və qarşısı təmizlənib.

bakı şəhər yaşıllaşdırma təsərrüfatı birliyi əməkdaşları tərəfindən əsas magistral yol və prospektlərin kənarlarındakı ağacların üzərinə toplanan toz və torpaq yuyulub, onların dibi yumşaldılıb, qurumuş budaqlar budanıb və yaşıllıq sahələrinə aqrotexniki qulluq göstərilib.

paytaxtda həyata keçirilən yaşıllaşdırma və təmizlik işləri davam etdiriləcəkdir.