azərbaycan respublikasının prezidenti zati-aliləri cənab ilham əliyevə

hörmətli ilham heydər oğlu.

sizi və qardaş azərbaycan xalqını islam ümmətinin böyük bayramı – ramazan münasibətilə səmimi-qəlbdən təbrik edirəm.

qoy bəşəriyyətin mənəvi saflaşmasının və hərtərəfli təkmilləşməsinin başlanğıcı olan bu müqəddəs bayramda xalqlarımızın birliyi möhkəmlənsin, xoşbəxtliyi artsın.

hörmətli ilham heydər oğlu, bütün müsəlmanların səbirsizliklə gözlədiyi və böyük sevinclə qeyd etdiyi bu müqəddəs bayram münasibətilə sizə xoşbəxtlik və məsuliyyətli işinizdə böyük uğurlar, azərbaycan xalqına isə əmin-amanlıq və firavanlıq arzu edirəm.

allah niyyətlərimizi, xeyirxah əməllərimizi qəbul etsin, hamımız bir ramazandan o biri ramazana, bir ildən digərinə uğurla keçək.

ramazan bayramınız mübarək!

ən xoş arzularla,

kasım-jomart tokayev

qazaxıstan respublikasının prezidenti