bakı, 25 may, arhd.media

azərbaycan respublikasının prezidenti ilham əliyev mayın 25-də ukraynanın xarici işlər naziri andrey sibiqanı qəbul edib.

arhd.media xəbər verir ki, andrey sibiqa ukrayna prezidenti volodimir zelenskinin salamlarını dövlətimizin başçısına çatdırdı. qonaq azərbaycan dövləti tərəfindən ukraynaya göstərilən humanitar yardımlara görə təşəkkürlərini bildirdi, xüsusilə irpen şəhərində həyata keçirilən layihələrin əhəmiyyətini vurğuladı.

andrey sibiqa azərbaycanın ukraynanın ərazi bütövlüyünə və suverenliyinə göstərdiyi dəstəyə görə bir daha minnətdarlığını ifadə etdi.

azərbaycan prezidenti ilham əliyev ukrayna prezidentinin salamlarına görə minnətdarlığını bildirdi, onun da salamlarını volodimir zelenskiyə çatdırmağı xahiş etdi.

dövlətimizin başçısı azərbaycan tərəfindən ukraynaya humanitar yardımın bundan sonra da davam etdiriləcəyini bildirdi.

söhbət zamanı azərbaycanın və ukraynanın bir-birinin ərazi bütövlüyünü və suverenliyini daim dəstəklədikləri qeyd olundu.

ölkələrimiz arasında energetika, bərpaolunan enerji, nəqliyyat, ticarət, kənd təsərrüfatı sahələrində əlaqələrin perspektivlərinə dair fikir mübadiləsi aparıldı.