bakı, 28 yanvar,  arhd.media

heydər əliyev beynəlxalq hava limanı keçən il rekord sayda - yeddi milyondan çox sərnişin daşıyıb. nazirlik (rəqəmsal inkişaf və nəqliyyat nazirliyi – red.) tərəfindən aparılan təhlil göstərir ki, bu rəqəm daha da artacaq və təklif verildi ki, heydər əliyev beynəlxalq hava limanında yeni terminal kompleksi inşa edilsin. mən də öz dəstəyimi verdim.

arhd.media xəbər verir ki, bu sözləri prezident ilham əliyev nəqliyyat məsələlərinə həsr olunmuş müşavirədə deyib.

dövlətimizin başçısı bildirib: “indi bu yeni terminal kompleksinin layihəsi və texniki-iqtisadi əsaslandırılması hazırlanır. artıq buna start verilmişdir və bu da gələcək sərnişinlərin sayını qəbul etmək üçün bizə imkan yaradacaq. yəni ki, biz, o cümlədən hava nəqliyyatı üzrə beynəlxalq mərkəzə çevriləcəyik”.