bakı, 4 aprel, arhd.media

italiyalı nazir: 2024-cü ildə tap italiya üçün ikinci ən böyük təchizat marşrutuna çevrildi

italiya cənub qaz dəhlizinin əsas rolunu enerji keçidində tanıyır. o təchizatın təhlükəsizliyinin təmin edilməsinə yönələn bir təşəbbüsdür və cop29 çərçivəsində qəbul edilən qərarlara uyğundur.

arhd.media xəbər verir ki, bunu italiyanın ətraf mühit və enerji təhlükəsizliyi nazirinin müavini vannia qava cənub qaz dəhlizi məşvərət şurası çərçivəsində nazirlərin 11-ci və yaşıl enerji məşvərət şurası çərçivəsində nazirlərin 3-cü iclaslarında çıxışı zamanı deyib.

o bildirib ki, istismara veriləndən, 2020-ci ilin sonunda italiya 36 milyard kubmetrdən artıq qazı idxal edib.

“bu da trans-adriatik boru kəməri (tap) vasitəsilə həyata keçirilib. 2024-cü ildə tap italiya üçün ikinci ən böyük təchizat marşrutuna çevrildi. tap avropanı xəzər və şimali afrika ilə birləşdirərək italiyanın strateji enerji mərkəzi kimi rolunu gücləndirməyə kömək edəcək və biz artıq boru kəmərinin gücünün artırılması prosesinə başlamışıq”, - deyə nazir müavini qeyd edib.