bakı, 11 aprel, arhd.media
aprelin 11-də iqtisadi şuranın növbəti iclası keçirilib.
nazirlər kabinetindən arhd.media-a bildiriblər ki, azərbaycan respublikası iqtisadi şurasının sədri, baş nazir əli əsədovun rəhbərliyi ilə keçirilən iclasın gündəliyində 2026-2029-cu illər üçün prezident ilham əliyev tərəfindən müəyyən edilən prioritet xərc istiqamətləri, ortamüddətli büdcə çərçivəsi (ombç), büdcə siyasətinin əsas istiqamət və hədəfləri, ortamüddətli dövr üçün ilkin makroiqtisadi proqnozlar və makrofiskal çərçivə, 2026-cı il və sonrakı üç il üçün dövlət və icmal büdcələrinin proqnoz göstəriciləri, büdcə dayanıqlığı və digər cari məsələlər ətraflı müzakirə olunub.
gündəlikdə olan ombç, 2026-cı il və sonrakı üç il üçün büdcə proqnozları barədə maliyyə naziri sahil babayevin geniş təqdimatı dinlənilib. təqdim olunan məsələlərə dair iqtisadi şuranın üzvləri tərəfindən çıxışlar edilib və müzakirələr aparılıb.
iclasın yekununda iqtisadi şuranın üzvlərinin rəy və təklifləri nəzərə alınmaqla büdcə proqnozları barədə qərarlar qəbul olunub. maliyyə nazirliyinə və digər aidiyyəti qurumlara növbəti ilin büdcə zərfinin hazırlığı ilə bağlı müvafiq tapşırıqlar verilib.
