stokholm, 23 iyun, arhd.media
isveç nato-nun yeni tələbləri əsasında müdafiə büdcəsini artıracaq
isveç hökuməti 2030-cu ildən nato-nun yeni investisiya tələblərini ödəmək üçün müdafiə xərclərini hər il 64,5 milyard kron (təxminən 6,1 milyard dollar) artırmağı planlaşdırır.
parlament partiyaları arasında əldə olunan razılaşmaya əsasən, müdafiə xərclərinin ümumi səviyyəsi üdm-in 5 faizini təşkil edəcək - bunun 3,5 faizi hərbi sahəyə, 1,5 faizi isə mülki müdafiəyə sərf olunacaq.
arhd.media xəbər verir ki, çərşənbə axşamı haaqada nato-nun böyük sammiti başlayacaq və burada yeni məqsədin - üzv dövlətlərin müdafiə xərclərinin üdm-in 5 faizinə çatdırılmasının həyata keçirilməsi müzakirə olunacaq.
sammitdə əsas siyasi liderlərin, o cümlədən abş prezidenti donald trampın iştirakı gözlənilir.
isveç müdafiə nazirliyi nümayəndələrinin sözlərinə görə, bu tədbirlər ölkənin müdafiə qabiliyyətini artırmaq və nato-nun hədəflərinə çatmaq üçün lazımdır. prioritetlər arasında hava hücumundan müdafiə, quru qoşunları və maddi-texniki təchizatın gücləndirilməsi, sursat və hərbi texnika ehtiyatlarının artırılması, həmçinin silahlı briqadaların modernləşdirilməsi yer alır.
ilkin mərhələdə stokholm 2030-cu ildə 186 milyard kron (təxminən 17,7 milyard dollar) xərcləməyi planlaşdırırdı ki, bu da üdm-in 2,6 faizini təşkil edir. amma 3,5 faizlik hədəfə çatmaq üçün 250,5 milyard kron (təxminən 23,8 milyard dollar) büdcə lazımdır.
müqayisə üçün qeyd edək ki, skandinaviya ölkəsi polisinin hazırkı büdcəsi 45 milyard kron (təxminən 4,3 milyard dollar) civarındadır.
investisiyaların miqyasına baxmayaraq, bəzi müdafiə mənbələri alyansın standartlarına tam cavab vermək üçün bunu qeyri-kafi hesab edir. bununla belə, səlahiyyətlilər vurğulayırlar ki, isveç hərbi transformasiya prosesinə bir çox digər ölkələrdən daha tez başlayıb və artıq üdm-in 2 faizi həcmində xərcləmə səviyyəsinə çatıb.
isveçin müdafiə naziri pol yonson bildirib ki, əlavə vəsait nato-nun qarşıya qoyduğu məqsədlərə çatmaq üçün kifayət olmalıdır, baxmayaraq ki, yekun xərc iqtisadi artımdan və müdafiə xərclərində dəyişikliklərdən asılı olacaq.
