berlin, 16 iyul,  arhd.media

almaniya xin: irana qarşı sanksiyaların tətbiqi hələ də gündəmdədir

qərb iranla nüvə mübahisəsində tehran hakimiyyətinə qarşı sanksiyaların yenidən tətbiqi məsələsini qüvvədə saxlayır.

arhd.media “tagesschau” xəbər xidmətinə istinadla bildirir ki, bu barədə almaniya xarici işlər nazirliyinin sözçüsü “reuters” agentliyinə açıqlamasında bildirib. “iranın nüvə proqramı ilə bağlı beynəlxalq ictimaiyyətin təhlükəsizlik maraqlarını nəzərə alan, davamlı və yoxlanıla bilən diplomatik həllə ehtiyac var. əgər belə bir həll yay aylarında əldə olunmazsa, mövcud sanksiya mexanizminə əsasən, “snapback” (sanksiyaların avtomatik bərpası) e3 ölkələri - almaniya, fransa və böyük britaniya üçün bir seçim olaraq qalır”, - deyə xin nümayəndəsi qeyd edib.

bu məsələ ilə bağlı üç ölkənin hökumətləri arasında sıx koordinasiyanın aparıldığını vurğulayan sözçü deyib: “iran heç vaxt nüvə silahına sahib olmamalıdır”.