bakı, 31 iyul, arhd.media
azərbaycan ilə səudiyyə ərəbistanı arasında turizm əlaqələri müzakirə olunub
iyulun 31-də dövlət turizm agentliyinin sədri fuad nağıyevlə səudiyyə ərəbistanı krallığının ölkəmizdəki səfiri issam bin saleh əl-cuteyli arasında görüş keçirilib.
agentlikdən arhd.media-a bildirilib ki, görüşdə fuad nağıyev azərbaycanın turizm potensialı və mövcud turizm destinasiyaları, turizmin inkişafı istiqamətində həyata keçirilən tədbirlər barəsində məlumat verib.
tərəflər ikitərəfli münasibətlərin gücləndirilməsində turizmin əhəmiyyətini vurğulayıblar. eləcə də turizm sahəsində əməkdaşlıq imkanları haqqında fikir mübadiləsi aparılıb.
səfir issam bin saleh əl-cuteyli səudiyyə ərəbistanı krallığının turizm naziri və bmt turizm təşkilatının baş katibi adından dövlət turizm agentliyinin sədrini 2025-ci ilin noyabrın 7-11-də ər-riyad şəhərində keçiriləcək bmt turizm təşkilatının baş assambleyasının 26-cı sessiyasında iştiraka dəvət edib.
