israil hərbi qüvvələri qəzza zolağının cənubunda rəfah şəhərinin qərbində yerləşən tell əs-sultan rayonunu mühasirəyə alıb.

arhd.media xəbər verir ki, bu barədə israil müdafiə qüvvələrinin (imq) mətbuat xidməti məlumat yayıb.

“son saatlarda qoşunlar rəfahdakı tell əs-sultanın mühasirəsini tamamlayıblar. əməliyyatın məqsədi qəzzanın cənubunda təhlükəsizlik zonasını genişləndirmək üçün bu bölgədəki terror obyektlərini və terrorçuları məhv etməkdir”, – bəyanatda deyilir.

tell əs-sultanın mühasirəsi zamanı gecə ərzində hərbçilər “bir neçə terrorçunu məhv ediblər”, həmçinin “son bir neçə ay ərzində həmas terrorçuları tərəfindən komanda-nəzarət qərargahı kimi istifadə olunmuş obyektə məqsədyönlü basqın keçiriblər”.